केही दिन अगाडी मैले सामाजिक सञ्जालमा आठबिसकोट नगरपालिकाको लागि मेयर पदमा उम्मेदवारी दिने इच्छा प्रकट गरेको बारे मेरा सम्पुर्ण आदरणीय शुभेच्छुक व्यक्तित्वहरुले दिनु भएको सुझाव र सुभेच्छा प्रति सर्बप्रथम हार्दिक कृतज्ञता ज्ञापन गर्दछु । मैले यस पल्ट कुनै तयारी नै गरेर मेयर पदमा उम्मेदवारी दिने घोषणा गरेको होइन मात्र इच्छा प्रकट गरेको हुँ ।
इच्छा मात्र गरेको हो आटेको चाहि होइन । आटेकै भए त तैले आँट म पुर्याउछु पनि भन्दो हो कसैले ? तर त्यसो पनि होइन र अहिले पनि उक्त जिम्मेवारी प्राप्त हुने अवस्था आएमा कुशलतापुर्बक सम्हाल्ने क्षमता भने राख्दछु । यस किसिमको मेरो स्थानीय सरकार प्रतिको चासो हुनुको अर्थ हाम्रो पुस्तामा रहेको ज्ञान, सीप र अनुभवलाई उपयोग गरी जिम्मेवार र उत्तरदायी नेतृत्व निर्माण गर्ने पूर्वतयारीको रुपमा लिदा पनि अन्यथा अर्थ नलाग्ला । हाम्रो यो पुस्ताले राजनीतिक, सामाजिक, आर्थिक रुपान्तरणमा सहभागी भएर आफनो विचार, दर्शन र सिद्धान्तलाई लागू गर्ने इच्छा शक्ति नदेखाए अरु कसले देखाउने भन्ने सोचका साथ मैले इच्छा व्यक्त गरेको हो ।
यसै सन्दर्भमा मेयर पदमा उम्मेद्धवारी दिने इच्छा प्रकट गर्दै गर्दा मलाई मेसेज मार्फत र प्रत्यक्ष भेट हुँदा तपाईको आठविसकोटको विकासका लागि के कार्यक्रम छ ? भनेर केही साथीहरुले सोध्नु भयो जसको कारण मेरो छोटो परिचय सहित मैले विस्तृत रुपमा नभई संक्षेपमा केही आठविसकोटलाई समृद्ध आठविसकोट बनाउन अगाडी सारिने कार्यक्रमका केही बुँदाहरु प्रस्तुत गरेको छु :
नाम : श्री नरेन्द्र के.सी.
उमेर : ४२ बर्ष
शैक्षिक योग्यता : स्नातकोत्तर (सुशासन विषय)
जन्म स्थान तथा स्थायी ठेगाना : आठविसकोट नगरपालिका वडा नं ११ रुकुम पश्चिम ।
श्रीमतीको नाम : श्री विना शर्मा
पिताको नाम : स्व. पुष्पसिंह खत्री ( पञ्चायकालीन समयमा साविकको आठविस डाडागाऊँ र घेत्मा पञ्चायतको प्रधानपञ्च)
परिवार संख्या : ६ जना
राजनितिक पृष्ठभुभि तथा योगदान : आवश्यक परेमा मात्र खुलाइने छ ।
कार्यनुभव : पत्रकारिता क्षेत्रको ५ वर्ष, संयुक्त राष्ट संघीय विश्व खाद्य कार्यक्रम देखि विभिन्न राष्टिय र अन्तराष्टिय क्षेत्रमा कार्य गरेको २० बर्षको अनुभव । विशेषगरी योजना निर्माण, कार्यन्वयन, नतीजामूखी अनुगमन र सुशासन विज्ञको रुपमा कार्यनुभव छ । दर्जनौ राष्टिय र अन्तरराष्टिय संस्थाका विभिन्न परियोजनाहरुमा नेतृत्व र व्यवस्थापकीय भूमिकामा काम गरेको अनुभव पनि छ । साथै नागरिक समाज र राजनितीक दलका विशेष परिस्थितिहरुमा आवश्यकता अनुसार भूमिकाहरु निर्वाह गरेको अनुभव छ । र आफुलाई समसामयिक राजनीतिको बिश्लेशनमा रुचि राख्छु ।
नगरको विकासको लागि मैले राखेका प्रमुख अजेन्डाहरुः
भएको कुरालाई विगारेर होइन सुधार गर्दै अगाडी बढ्ने प्रतिबद्धताको साथमा….
१) समृद्ध गाउँ शहरको रहर स्वस्थ, सफा, सुशासनयुक्त, समावेशी र समन्यायीक र समाजवाद उन्मूख आठबिसकोट नगर भन्ने आठविसकोट नगरपालिकाको मूल नारालाई नै सार्थक बनाउन अगाडी बढिने छ ।
२) हालको नगर कार्यपालिकाले योजना निर्माण गरी सम्पन्न गर्न नसकेका असल कामहरुको निरन्तरता र कार्यन्वयनमा जोड दिइने छ ।
३) हालको नगर कार्यापालिकाले प्राथमिकतामा राखेका प्रत्येकको घर घरमा शिक्षा, स्वास्थ्य, सञ्चार, खानेपानी, सडक सञ्जाल, विद्युत र पर्यटन क्षेत्रमा तीब्र गतिमा स्तरोन्नती गरिनेछ ।
४) नगरपालिकामा कार्यरत सम्पूर्ण कर्मचारी र जनशक्तिको श्रम र विज्ञताको भरपुर उपयोग गरी उनीहरुको वृति विकास र प्रोत्साहनका कार्यहरु गर्नेछु ।
५) नगरपालिकामा रहेको सम्पूर्ण पूँजीको परिचालन गरी युवाहरुलाई विदेश जान नपर्ने गरी आफनै घरबारीमा परिवारसंग रमाएर स्वरोजगार बन्ने वातावरणको निर्माण गर्ने छु । हाल स्थापना भएका र स्थापना गरिने विभिन्न उद्योगका प्रबद्र्धन गरी नगरपालिका भित्र र अन्य पालिकाका जनशक्तिलाई समेत आकर्षित गरी रोजगारी सिर्जना गर्नेछु ।
६) सहलगानीमा आधारित कृषि प्रबद्र्धन कार्यक्रमलाई प्रभावकारीमा रुपमा विशेष प्रवद्र्धन गरी नगरपालिका भित्र कृषि, फलफूल खेती, जडीबुडी, दूग्धजन्य र मासुजन्य वस्तुको उत्पादनमा आत्मनिर्भर गराई निर्यातको सुनिश्चित गरिने छ ।
७) गर्भवती र सुत्केरी महिला तथा बालबालिकाहरु र ज्येष्ठ नागरिकहरुको सुरुक्षा स्वास्थ्य र पोषणको विशेष कार्यक्रम सञ्चालन गर्नेछु ।
८) ‘शान्त, समृद्ध र समतामूलक आठविसकोट नगरी विश्वमा यसैले गुँथ्ने छ प्रतिष्ठाको पगरी’ भन्ने अर्को मूल उद्देश्य लिएर नगरका सबै पक्षसंग कुनै पनि राजनैतिक भेदभाव र पूर्वाग्रह नगरेर सहकार्य गर्दै धेरै थोरै मुख्य उद्देश्यहरु राख्ने तर गुणात्मक रूपमा पुरा गर्ने र आठबिसकोट्बासी जनताको सुखदुःखको साथी बनेर उहाँहरुको जिवन स्तर उकास्ने प्रतिवद्धता साथ इच्छा शक्ति राखेर काम गर्नेछु ।
आठविसकोटलाई अबको दुइ वर्ष भित्र विश्वको ध्यान खिच्ने गरी विकासको नयाँ मोडेलको रुपमा अुनभुति हुने गरी आठविसकोट नगरपालिकालाई सबैका सामू प्रस्तुत गर्नेछु । त्यसको खाका अर्को सन्दर्भमा पुनः पेश गर्नेछु ।
यहाँले ध्यानपुर्बक यहाँसम्म मलाई पढिदिनु भएकोमा हार्दिक आभार व्यक्त गर्दछु । धन्यवाद !!
काेहलपुर टुडे । २२ चैत्र २०७८, मंगलवार १९:४३