काेहलपुर ।
बर्दियाको बारबर्दिया नगरपालिकाकी उपमेयर अञ्जु दहितले पदबाट राजीनामा दिएर स्थानीय तह निर्वाचनको प्रचारमा सक्रिय भएकी छन् ।
सार्वजनिक पदमै रहेर पार्टी विशेषको चुनाव प्रचारमा हिंड्न नैतिकताले नदिने भन्दै उनले बिहीबार पदबाट राजीनामा दिएकी हुन् । उनले राजीनामा सँगै ल्यापटप, मोबाइल लगायतका सामग्री पनि फिर्ता गरेकी छन् ।
निर्वाचन आयोगले जनप्रतिनिधिहरुले राजीनामा दिएर मात्रै मनोनयन दर्ता गर्न पाउने निर्णय गरेको थियो । दहित बारबर्दिया नगरपालिकाको मेयरको प्रमुख दाबेदार हुन् ।
उनले आफू पदमा रहँदा सहयोग गर्ने नगर प्रमुख, कार्यपालिका एवम् नगर सभाका सदस्यहरु, प्रमुख प्रशासकीय अधिकृत लगायत पालिकाका कर्मचारीहरु, राजनीतिक दलका नेता तथा कार्यकर्ताहरु, सञ्चारकर्मी र नगरवासीप्रति आभार व्यक्त गरेकी छन् ।
काेहलपुर टुडे । ९ बैशाख २०७९, शुक्रबार १४:००