कोहलपुर ।
बाँकेको कोहलपुरमा रहेको रिलायन्स फाइनान्स लिमिटेडले १४औं बार्षिकोत्सवको अवसरमा कोहलपुर नगरपालिकालाई ट्रि गार्ड सहयोग गरेको छ ।
नगरपालिकाले लिएको हरित नगर अभियानलाई सहयोग गर्दै संस्थागत सामाजिक उत्तरदायित्व अन्तर्गत रिलायन्स फाइनान्स लिमिटेड कोहलपुर शाखाका प्रमुख कुल बहादुर पुनले कोहलपुर नगरपालिका प्रमुख प्रशासकिय अधिकृत धोलकराज ढकाललाई ८ वटा ट्रि गार्ड हस्तान्तरण गरेका हुन् ।
हस्तान्तरण कार्यक्रममा बोल्दै रिलायन्स फाइनान्स लिमिटेड कोहलपुर शाखाका प्रमुख कुल बहादुर पुनले विगतका वर्षहरुमा विभिन्न कार्यक्रम गर्दै आएको र आगामी दिनमा विभिन्न क्षेत्रलाई समेट्दै कार्यक्रम सञ्चालन गर्ने प्रतिबद्धता व्यक्त गरे ।
प्रमुख प्रशासकिय अधिकृत ढकालले हरियाली नगर बनाउन सबैको सहयोग र अपेक्षा रहेको भन्दै रिलायन्स फाइनान्स लिमिटेडलाई धन्यवाद दिएका थिए ।
हस्तान्तरण कार्यक्रममा कर्जा अधिकृत प्रवेश सुवेदी, जीवन गुरुङ, नगर प्रहरी डिल्ली चन्द लगायत अन्य कर्मचारीहरुको समेत उपस्थिति रहेको थियो ।
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्