नेपालगन्जमा राजा बिरेन्द्रकाे शालिक पुनः स्थापना

काेहलपुर ।

२०५८ साल जेठ १९ गते राजदरबारभित्र भएको गोलीकाण्डमा तत्कालीन राजा वीरेन्द्र शाहको वंश नै विनाश हुने गरी राजपरिवारका सदस्य र आफन्तको एकै ठाउँमा हत्या भएको थियो ।

हत्याकाण्डमा तत्कालीन राजा वीरेन्द्र, रानी ऐश्वर्य, युवराज दीपेन्द्र, अधिराजकुमार निराजन, राजकुमारी श्रुतिसहित १० जनाको ज्यान गएको थियो । हत्याकाण्ड अहिले पनि रहस्यमै छ । नारायणहिटी दरबार हत्याकाण्डको ७ वर्षपछि २०६५ जेठ १५ गते राजतन्त्रको अन्त्यसँगै गणतन्त्र स्थापनाको घोषणा भएको थियो ।

आज राजा बिरेन्द्रको बंस नास भएको २१ बर्ष पूरा भएको छ । साेही अवसरमा नेपालगन्जको धम्बोजी चोक(बिरेन्द्र चोक) मा स्व. राजा बिरेन्द्रको शालिक पुन : स्थापना गरिएको छ । ६२/६३ को जनआन्दोलनको क्रममा उक्त चोकमा राजाको शालिक भत्काइएको थियो ।