झुठा आश्वासन बाड्दै विद्यार्थीहरुको भविष्यमा खेलवाड गरेकाे भन्दै नोवेल टेक्निकललाई चेतावनी

काेहलपुर ।

नेवि संघ र अनेरास्ववियुले कोहलपुरको नोवेल टेक्निकल एण्ड मेडिकल साइन्स कलेजलाई चेतावनी दिएको छ । उक्त कलेज प्रशासनले गैरजिम्मेवारी पुर्णकार्य गरेको भन्दै विद्यार्थी संगठनले संयुक्त रुपमा प्रेसविज्ञप्ती मार्फत चेतावनी दिएको हो ।

कलेजमा अध्ययनरत विद्यार्थीहरुलाई विभिन्न बाहानामा झुठा आश्वासन बाड्दै विद्यार्थीहरुको भविष्य माथि खेलवाड गरिएको र कलेजले अन्तिम परिक्षाको फाराममा समेत अवरोध गरिरहेको विज्ञप्तीमा उल्लेख गरिएको छ । सो गैरजिम्मेवारी पुर्णकार्य प्रति ध्यानआकर्षण गराउदै २४ घण्टा भित्र कलेज प्रशासनलाई सच्चाउन संयुक्त विद्यार्थी संगठनले निर्देशन दिएको छ । यदि प्रशासनले यस विषयमा चासो नराखी नजरअन्दाजी गरे कडा भन्दा कडा आन्दोलन गर्ने चेतावनी दिइएको छ ।

हामी संगको सम्पर्कमा अनेरास्ववियू कोहलपरका अध्यक्ष तथा चर्चित विद्यार्थी नेता युवराज बुढाले भने, “हामीले कलेज प्रशासनलाई गल्ती सुधार्ने अवसर दिएका छौँ, सो कुरालाई कमजोरी सोचे र समय सिमा भित्र मागको सुनुवाई नभए आधिवेहेरीको सृजना गर्ने” चेतावनी दिएका छन् ।