नेपालगन्ज ।
आफ्नै घरको आँगनमा खेलीरहेकी तीन वर्षीया बालिका बेपत्ता भएकीछन् । बाँकेको खजुरा गाउँपालिका वडा नम्बर–६ सिमलघारीका वीरेन्द्र पुनकी ३ वर्षीया छोरी लक्ष्मी पुन आईतबार बेलुकी घरबाटै बेपत्ता भएकी हुन् ।
घरको आँगनमा खेलिरहेकी बालिका अचानक बेपत्ता भएपछि जंगली जनावरले लगेको हुनसक्ने स्थानीयहरूले आशंका गरेका छन् ।
बालिका खोजी गर्दा नभेटिएपछि परिवारले गएराति १० बजे प्रहरीलाई खबर गरेका थिए । जिल्ला प्रहरी कार्यालय बाँकेका प्रमुख तुलबहादुर कार्कीले बालिकाको खोजी भइरहेको जानकारी दिए ।
‘जंगल नजिकैको वस्ती हो । बाघले लग्यो कि भन्ने शंका छ । हामी खोजिरहेका छौं,’ एसपी कार्कीले भने । यो समाचार तयार पार्दा सम्म हराइरहेकी तीन वर्षीया बालिका भेटिएकी छैनिन् । उनको खोजी कार्य जारी छ ।
सेताेखरीबाट साभार
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्