राप्ती बिनौना श्रृङ्गारिक महा आरती धर्म जागरण महोत्सव सुरु

राप्तीसोनारी २१ चैत/

राप्तीसोनारी गाउँपालिका वडा न ५ चाचरफर्का स्थित जय बागेश्वरी असहाय बाल संरक्षण केन्द्रको भवन निर्माणार्थ बुधबारदेखि राप्ती बिनौना श्रृङ्गारिक महा आरती धर्म जागरण महामहोत्सव २०८० सुरु भएको छ । चैत २१ देखि २८ गतेसम्म संचालन हुने महोत्सवको राप्तीसोनारी गाउँपालिका अध्यक्ष तप्त बहादुर पौडेलले उदघाट्न गरेका छ्न ।

उद्घाटन सत्रमा बोल्दै अध्यक्ष पौडेलले बिनौनामा पहिलो पटक धार्मिक महोत्सव आयोजनामा गर्नु गौरवको विषय भएको बताउदै धार्मिक महोत्सवले आपसी सदभाव कायम गर्ने बताए ।
उनले असाहय बालबालिकाहरुको आवासको निम्ति निर्माण हुने भवनको विषयमा जग्गा र अन्य सहयोगको सन्दर्भमा पालिकाले पुर्ण सहयोग गर्ने बताए।

कार्यक्रममा बोल्दै राप्तीसोनारी गाउँपालिका वडा न ५ का वडाध्यक्ष झगरु थारुले पुर्वधार रुपमा हुने विकास मात्र विकास नभई धार्मिक सामाजिक सुशासनले पनि विकासमा सहयोग पुग्ने र अनुशासित नागरिक बनाउन महोत्सवले सहयोग गर्ने बताए।साथै उनले महोत्सव अवधिभर सम्पुर्ण भक्तजनहरुलाई उपस्थित भइ सक्दो सहयोग गर्न आग्रह गरे । हामीले यस महोत्सवको सफलताको निम्ति सबैले मन, बचन र कर्मले सक्दो गरौ उनले भने ।
धार्मिक महोत्सवको उद्घाटन हुनुपुर्व पन्चैबाजा सहितको विविभन्न झाँकी सहितको कलश यात्राले बिनौना चोक हुँदै बालक शान्ति आधारभुत विद्यालय सम्म पुगेको थियोे । उद्घाटनसत्रमा भजन किर्तन गरिएको थियो । महोत्सवकि निर्देशक तारा वलीले असहाय बालबालिकाहरुको निम्ति सबैले सक्दो सहयोग गर्न आग्रह गरेकी छिन ।
धार्मिक महोत्सव संचालनका समिति संयोजक शेर बहादुर विकको सभापतित्वमा भएको कार्यक्रममा राप्तसोनारी ५ का जनप्रतिनिधि, विभिन्न संघसंस्थाका प्रतिनिधि,आमा सुरक्षाकर्मी विभिन्न राजनितिक दलका प्रतिनिधिहरु सर्वसाधारण लगायतको सहभागीता रहेको थियो ।