रोकिएको ट्रकमा ठोकिँदा बैजनाथका योगीको मृत्यु

कोहलपुर ।

बाँकेको कोहलपुर- १२ प्रगतिनगरमा रोकिएको ट्रकमा ठोकिँदा एक जनाको मृत्यु भएको छ ।

गतराती करिब १२ बजेतिर रोकिराखेको ना.५ ख ३४५९ नम्बरको ट्रकमा ठोकिँदा भे.९ प ७१३० नम्बरको मोटरसाइकल चालक बैजनाथ गाउँपालिका–५ जि गाउँ का २७ वर्षका गणेश योगीको मृत्यु भएको इलाका प्रहरी कार्यालयका प्रमुुख डिएसपी ऐन बहादुर मल्लले बताए ।

मोटरसाइकलमा सवार बैजनाथ गाउँपालिका–५ जि गाउँ का ३० वर्षका जय बहादुर बुढालाई उपचारको लागि लखनउ रिफर गरिएको मल्ले कोहलपुर टुडेलाई जानकारी दिए । ट्रक चालकलाई प्रहरीले नियन्त्रणमा लिएको छ ।