कोहलपुर ।
प्रदेश स्तरीय राष्ट्रपति रनिङ्गशिल्डमा बाँके जिल्लाका खेलाडिहरूले प्रथम स्थान ल्याउन सफल भएको छ । गत २४ गतेदेखि दाङ जिल्लाको तुल्सीपुरमा १३ औं विद्यालय स्तरीय राष्ट्रपति रनिङ्गशिल्डमा बाँके जिल्लाका खेलाडिहरूले प्रथम स्थान ल्याएका छन् ।
३ स्वर्ण पदक प्राप्त गरी प्रथम स्थान ल्याउन सफल भएका हुन् । प्रथम हुनेहरुमा दिपशिखा रानाभाट, ममता मल्ल र लक्ष्मण खड्का रहेका छन् जसले ३ पदक प्राप्त गरी प्रथम भएका थिए । बाँके जिल्लाबाट ६ जना खेलाडिहरु सहभागि भएका थिए, जसमा लक्ष्मी बुढा, ममता मल्ल, दिपशिखा रानाभाट, आशिष योगी, लक्ष्मण खड्का र युवराज मिजार रहेका छन् ।
बाँके जिल्ला तेक्वान्दो संघका अध्यक्ष प्रकाश लामिछानेले प्रदेश स्तरीय राष्ट्रपति रनिङ्गशिल्डमा भाग लिएका खेलाडिहरूला उत्कृष्ट खेल प्रस्तुत गरेको भन्दै प्रशंसा गरे । खेलकुद क्षेत्रका माध्यमबाट बाँकेलाई चिनाउन सफल भएको छ, तर खेलाडिहरुलाई उपयुक्त खेल खेल्ने स्थान पर्याप्त मात्रामा नभएकोले त्यसको लागि बाँकेका ८ वटै स्थानीय तहहरुले पहल गर्नुपर्नेमा जोड दिए ।
लामिछानेका अनुसार तेक्वान्दोमा ३ गोल्ड मेडल, करातेमा ३ गोल्ड मेडल, उसुमा ४ गोल्ड मेडल र एथलेट्रिक्समा ९ गोल्ड मेडल प्राप्त गरेका थिए ।
लुम्बिनी प्रदेश सदस्य सचिव जयप्रकाश भट्टराई र लुम्बिनी प्रदेश तेक्वादो संघका अध्यक्ष विमल रिजालले पुरस्कार वितरण गरेका थिए ।
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्