पिपरी क्षेत्रमा वृह्त सरसफाई

कोहलपुर ।  बाँकेको कोहलपुर नगरपालिका वडा नं. ८ स्थित पिपरी क्षेत्रमा शुक्रबार वृह्त सरसफाई कार्यक्रम गरिएको छ ।

कोहलपुर नगर प्रहरी, साइनिङ स्टार वोर्डिङ स्कुल र नमुना विद्या सदनका विद्यार्थीहरुले संयुक्तरुपमा सरसफाई गरेका हुन् । उनीहरुले सडक क्षेत्र वरपर सरसफाई गरेको कोहलपुर नगर प्रहरी प्रमुख वीरबहादुर थापाले जानकारी दिए ।

कोहलपुर नगरपालिकाले कोहलपुर क्षेत्रलाई सरसफाई र सुफासुघर बनाउन सरसफाई अभियाननै चलाएको छ । कोहलपुर नगरबासीलाई समेत सचेत बनाउने काम भइरहेको नगर प्रहरी प्रमुख थापाले बताए ।