कोहलपुर ।
बाँकेको कोहलपुर नगरपालिका-८ मा रहेको नमूना विद्या सदनमा अध्ययनरत बालबालिकाहरुले आफूले पाएको पुरस्कार मुटुरोगीलाई दिएका छन् ।
फागुन ६ गते भएको ११ गते ११औं वार्षिकोत्सवमा संस्कृति खाद्य महोत्सव र विज्ञान प्रर्दशनीमा उत्कृष्ट भएर पाएको पुरस्कारलाई मुटु रोगीलाई हस्तान्तरण गरेका हुन् ।
कोहलपुर नगरपालिका-७ लखनवार निवासी ईन्द्रलाल थारुको उपचारार्थ सहयोगका लागि ग्रीन हाउसका बालबालिका तथा कर्मचारी र शिक्षकहरुको सामुहिक रुपमा संकलन गरेको करिब ४२ हजार रुपैया हस्तान्तरण गरेको विद्यालयका कार्यकारी निर्देशक शिव डाँगीले जानकारी दिए ।
लामो समयदेखि मुटु रोगको उपचार गर्न आर्थिक समस्या भएपछि बालबालिकाहरुले आफूले पाएको पुरस्कार समेत हस्तान्तरण गरेका डाँगीले बताए । थारु शहिद गंगालाल राष्ट्रिय हृदय बाँसबारी काठमाण्डौँमा उपचार गराइरहेका छन् ।
सामाजिक उत्तरदायित्व वहन गर्दै नमुना विद्या सदनका विद्यार्थीहरुले उक्त रकम थारुको छोरी रिता थारुलाई हस्तान्तरण गरिएको थियो ।
नमूना विद्या सदनमा संस्कृति खाद्य महोत्सव र विज्ञान प्रदर्शनी (फोटो फिचर)
काेहलपुर टुडे । १४ फाल्गुन २०८०, सोमबार १७:२८