कोहलपुर सिटी एकेडेमीले भव्य रुपमा मनायो तिज

कोहलपुर ।

बाँकेको कोहलपुर नगरपालिका ११ मा रहेको कोहलपुर सिटी एकेडेमीले तिज भव्य रुपमा मनाएको छ ।

कोहलपुर नगरपालिकाका शिक्षा शाखा प्रमुख तथा कार्यक्रमका प्रमुख अतिथि राम बहादुर हमालले उद्घाटन गरेका थिए भने कोहलपुर सिटि एकेडेमीका सञ्चालक प्रसान्त रिजालको सभापतित्वमा तिज कार्यक्रम भव्य रुपमा मनाएको थियो ।

तिज विशेष कार्यक्रममा अन्तर विद्यालय तिज नृत्य प्रतियोगिता गराएको थियो । प्रतियोगिता नसर्री देखि यूकेजी सम्म, १ कक्षादेखि ३ कक्षासम्म, ४ कक्षादेखि ५ कक्षासम्म र ६ कक्षादेखि ८ कक्षासम्मका करिब ३० भन्दा बढि टिमले प्रतिस्पर्धा गरेको कोहलपुर सिटि एकेडेमीका सञ्चालक रिजालले जानकारी दिए ।

यस्तै नसर्री देखि यूकेजी सम्मको तिज नृत्य प्रतियोगितामा श्रिया लामिछाने प्रथम, अधिक खड्का द्धितीय र अर्चना आचार्य तृतीय भएकी थिइन् भने १ कक्षादेखि ३ कक्षासम्म गुञ्जन शाही प्रथम, एलिसा राना क्षेत्री द्धितीय र रोसनी शाही तृतीय भएकी थिइन् ।

यस्तै ४ कक्षादेखि ५ कक्षासम्म रितु चन्द प्रथम, आरोही के.सी. द्धितीय र इलियन धामी तृतीय भएका थिए भने ६ कक्षादेखि ८ कक्षासम्म रिहाना परियार प्रथम, जस्मिन परियार द्धितीय र सिता चन्द तृतीय भएकी थिइन् ।

विद्यालयका संस्थापक प्रसान्त रिजाल र पवित्रा सिग्देल रिजाल, विद्यालय काेडिनेटर रोहित कुमार खत्री, विद्यालयका सल्लाहाकार दृव्य शाह, व्यवस्थापक प्रबन्धक ड.वि. खत्री, नृत्य शिक्षक विमला खड्का, प्रि प्राइमरी इन्चार्ज सिता सुवेदी, प्रि बेसिक इन्चार्ज विष्णु थापा, विद्यालय इन्चार्ज रमेश शाही र साइन्स कोडिनेटर रविन अधिकारी र हेमा खनालले समेत पुरस्कार वितरण गरेकी थिइन् ।