संविधान जोगाउन गठबन्धन बनायौँ : देव प्रसाद गुरुङ

काठमाडौ ।
नेकपा माओवादी केन्द्रका महासचिव देवप्रसाद गुरुङले संविधानको रक्षा र मुलुकको आर्थिक विकासका लागि गठबन्धन निर्माण गरिएको बताएका छन् ।काठमाडौंमा आयोजित कार्यक्रममा गुरुङले राष्ट्रियता र लोकतन्त्रलाई जोगाउन गठबन्धन भएको बताएका हुन् ।

‘राष्ट्रियता, लोकतन्त्र र संविधानको रक्षाका लागि गठबन्धनमा आबद्ध दललाई जिताउन आवश्यक छ’, उनले भने ।महासचिव गुरुङले भ्रष्टाचार, कमिशनतन्त्रको अन्त्य गर्दै सुशासनको अभियानमा गठबन्धन लागेको बताए ।

कृषि, पर्यटन, जलविद्युतमार्फत लमजुङको विकास गर्न सकिने बताउँदै गुरुङले यसका लागि पूर्वाधार निर्माणको आवश्यकता रहेको बताए ।घरेलु उद्योग, कृषिलाई यान्त्रीकरण र व्यवसायीकरण गर्नसके लमजुङको विकास हुने गुरुङको भनाइ छ ।

मर्स्याङ्दी, चेपे, दोर्दी, मिदिम, रुदी तथा मादी नदीमा करिडोर निर्माण गर्नसके लमजुङलाई उत्तर–दक्षिण व्यापारिक नाकाको रुपमा विकास गर्न सकिने उनले बताए ।