Kohalpur Today Header Ads

माओवादी केन्द्रकाे सफलता : कोहलपुरमा नापी र मालपोत स्थापना गर्न मन्त्रीपरिषदको निर्णय




कोहलपुर ।

कोहलपुरमा नापी तथा मालपोत कार्यालयको शाखा कार्यालय स्थापना गर्न मन्त्रीपरिषद्ले आज निर्णय गरेको छ । माओवादी केन्द्र केन्द्रिय सदस्य नरेन्द्र न्यौपानेको विशेष पहल तथा युवा तथा खेलकुद मन्त्री महेश्वर गहतराज (अथक) र भुमिसुधार मन्त्री शशी श्रेष्ठको सक्रियतामा नापी र मातपोल कार्यालय कोहलपुरमा स्थापना गरी कार्यक्षेत्र समेत स्वीकृत भएको छ ।

नेपाल सरकारको मन्त्रीपरिषद्को आज बसेको निर्णयाअनुसार मालपोत कार्यालय र नापी कार्यालय गौशाला, मोहत्तरी, कोहलपुर, बाँके, जोगबुढा, डडेलधुरा र आठविसकोट रुकुम पश्चिमको संगठन संरचना, दरबन्दी तेरिज बमोजिम कार्यालय स्थापना र कार्यक्षेत्र स्वीकृत भएको पत्रमा उल्लेख रहेको छ ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

माओवादी केन्द्रका नेता न्यौपानेले कोहलपुरका जनताहरुको अपेक्षा अनुसार काम गरे, त्यसको फल अहिले पाएकोमा निकै खुसी भएको बताए । उनका अनुसार कोहलपुरमा अबको २ दिनभित्रै मालपोत र नापी कार्यालय स्थापना हुने उनले बताए ।

उनका अनुसार कोहलपुरमा मालपोत र नापी कार्यालय स्थापना गर्नका लागि माओवादी केन्द्रले लामोसमयदेखि पहल कदमीहरु गरेको थियो जसको फल आजको पत्रले देखाएको छ । कोहलपुर नगरपालिकाका अहिले माओवादी केन्द्रका मेयरका उम्मेदवारको रुपमा चर्चा कमाइरहेको बेलामा फेरी अर्को सफलता मिलेको छ । उनले कोहलपुरको विकास र समृद्धिका लागि रातदिन खटिन सक्ने नेता समेत हुन् ।

माओवादी पहलमा ९८ जनालाई लालपूर्जा वितरण

राष्ट्रिय भूमि आयोग र कोहलपुर नगरपालिकाबीच कार्य सहमति पत्रमा हस्ताक्षर भएको छ । माओवादी केन्द्रका युवा नेता नरेन्द्र न्यौपानेको बिशेष पहलमा भूमिहीन दलित, भुमिहीन सुकुम्बासीलाई जग्गा वितरण गर्ने उदेश्यले कार्य सहमती पत्रमा हस्ताक्षर भएको हो ।

केही दिन अघि माओवादी केन्द्रका युवा नेता न्यौपाने सहितको टोलिले भुमि सुधार मन्त्री शशि श्रेष्ठ र भुमि आयोगका उपाध्यक्ष नहेन्द्र खड्कालाई भेट गरी कोहलपुरका भुमिहीन सुकुम्वासी र अव्यवस्थीत वासेवासीको काम अगाडी बढाउन आग्रह गरेको थियो । सोही आग्रह अनुसार अव्यवस्थित बसोबासीको व्यवस्थापन गर्ने गरी सहमती पत्रमा हस्ताक्षर भएको थियो । सोही अनुसार कोहलपुरको वडा नम्बर ३ का ९८ जना भूमिहीन दलित, भुमिहीन सुकुम्बासीलाई जग्गा प्रदान गरिएको थियो ।

काेहलपुर नगरपालिका वडा नम्बर ३ का स्थानीय लालपूर्जा पाएपछि खुसी साट्दै


यस्ताे छ पत्र हेर्नुहाेस् ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७८ चैत २२ गते मंगलबार