Kohalpur Today Header Ads

नेपाल हुँदै बिहार पसेको भनिएका ३ आतङ्ककारीको स्केच सार्वजनिक




पटना । बिहार प्रहरीले पाकिस्तानका तीन जना आतङ्ककारी नेपाल हुँदै बिहार प्रवेश गरेको सूचनापछि उच्च सतर्कता जारी गरेको छ। प्रतिबन्धित आतङ्कवादी संगठन जैश–ए–मोहम्मदसँग सम्बन्धित ती तीन जनाको स्केच पनि प्रहरीले सार्वजनिक गरेको हो।

परिचय खुलाइसकेका ती आतङ्ककारीहरूमा हसनैन अली (रावलपिण्डी निवासी), आदिल हुसैन (उमरकोट निवासी) र मोहम्मद उस्मान (बहावलपुर निवासी) रहेका छन् ।

प्रहरीका अनुसार उनीहरू साउन दोस्रो हप्तामा काठमाडौँ पुगेका थिए र गत हप्ता बिहार प्रवेश गरेका हुन्। सीमावर्ती जिल्लामा सुरक्षा व्यवस्था कडा पारिएको छ । उनीहरूको पासपोर्ट विवरणसमेत स्थानीय प्रशासनलाई पठाइएको भारतीय सञ्चारमाध्यमले जनाएको छ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

यस वर्ष नै हुन लागेको बिहार विधानसभा चुनावलाई लक्षित गरेर आतङ्ककारी गतिविधि बढ्ने आशङ्का प्रहरीले गरेको छ। यसै कारण सीमा क्षेत्रमा चेकिङ बढाइएको र प्रहरीलाई सतर्क रहन निर्देशन दिइएको हो।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८२ भदौ १२ गते बिहीबार