Kohalpur Today Header Ads

भारतको सात राज्यका ११ विमानस्थलमा उडान बन्द




एजेन्सी। पाकिस्तानमा हवाई आक्रमणपछि भारतले सात राज्यका ११ विमानस्थलमा उडान बन्द गरेको छ।

श्रीनगर, जम्मू, लेह, चंडीगढ़, बिकानेर, जोधपुर, राजकोट, धर्मशाला, अमृतसर, भुज र जामनगरमा उडानहरू रोकिएका छन्। यी विमानस्थलहरू पाकिस्तान सीमासँग जोडिएका छन्।

जम्मू कश्मीर, पञ्जाब र राजस्थानका धेरै जिल्लाहरूमा विद्यालयहरू बन्द गरिएका छन्। करतारपुर करिडोर पनि बन्द गरिएको छ। यहाँबाट सिख भक्तजनहरू पाकिस्तानको करतारपुर साहिबको दर्शन गर्न जाने गर्थे।

LIfe Ok

एयर इन्डियाले १० मे बिहान ५:२९ बजेसम्म जम्मू, श्रीनगर, लेह, जोधपुर, अमृतसर, भुज, जामनगर, चंडीगढ़ र राजकोट गरी नौ शहरका सबै उडानहरू रद्द गरेको छ।

इन्डिगोले १० मे विहान ५:२९ बजे बजेसम्म जम्मू, श्रीनगर, अमृतसर, लेह, चंडीगढ़, धर्मशाला, बिकानेर, जोधपुर, ग्वालियर, किशनगढ र राजकोट गरी ११ शहरहरूका सबै उडानहरू रद्द गरेको छ।

इन्डिगोका १६५ घरेलु उडानहरू रद्द गरिएका छन्। एयरलाइन्सले हरेक दिन लगभग २२०० उडानहरू सञ्चालन गर्दछ। दिल्ली विमानस्थलमा विभिन्न एयरलाइन्सका २० उडानहरू रद्द गरिएका छन्।

यस्तै, स्पाइसजेटले मे ७ सम्म लेह, श्रीनगर, जम्मू, कांगडा (हिमाचल), कांडला (गुजरात) र अमृतसर गरी छ शहरहरूमा सबै उडानहरू रद्द गरेको छ।

अप्रिल २२ मा पहलगाममा भएको आतंकवादी हमलाको १५ दिनपछि भारतले मंगलबार राति अबेर पाकिस्तान र पाकिस्तान प्रशासित कश्मीर (पीओके)मा सैन्य कारबाही गर्यो।

यसका एक सयभन्दा बढी आतंककारीहरू मारिएको भारतीय दाबी छ भने पाकिस्तानले भने २६ सर्वसाधारणको मृत्यु भएको पुष्टि गरेको छ।

यता सीमापारबाट भएको गोलीबारीमा भारततर्फ पनि १० जना सर्वसाधारणको मृत्यु भएको भारतीय सेनाले पुष्टि गरेको छ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८२ वैशाख २४ गते बुधबार