कोहलपुर ।
बाँकेको कोहलपुर नगरपालिका २ शिवशक्ति नमूना आधारभूत विद्यालयमा उद्घोषण तालिम सम्पन्न भएको छ ।
असोज ०८ गतेदेखि सञ्चालन भएको उद्घोषण तालिम सोमबार समापन भएको हो । समाज सेवा संस्था नेपालको अयोजनामा भएको उद्घोषण तालिममा ४८ जना सहभागिता भएको थियो ।
विद्यालयका प्रअ बद्रिनाथ सापकोटाले विद्यार्थीहरुको नेतृत्व विकास गर्नका लागि उद्घोषण तालिम दिइएको बताए ।
यस्तै समाज संंस्था नेपालका अध्यक्ष विनोद थापाले बालबालिकाहरुलाई आफ्नो परिचय दिन र अगाडी उभिएर बोल्न सिकाउनुपर्ने अहिलेको आवश्यक हो त्यसैले उद्घोषण तालिम दिनुपर्ने बताए ।
समापन कार्यक्रममा विद्यालयका विव्यस अध्यक्ष विरेन्द्र कुमार बस्नेत लगायत शिक्षक, विद्यार्थीहरुको सहभागिता रहेको थियो ।
काेहलपुर टुडे । १५ आश्विन २०८१, मंगलवार १०:५५