Kohalpur Today Header Ads

बाँकेकी निर्मला कुर्मीलाई न्याय दिलाउन काठमाडौंमा खालीखुट्टा हिँडेर प्रदर्शन




काठमाडौँ । बाँकेकी एकल महिला निर्मला कुर्मी हत्या प्रकरणका मुख्य अभियुक्त रहेका बादशाह कुर्मीलाई प्रदेश सरकारको मन्त्री पदमा नियुक्त गरेको विरोधमा जारी आन्दोलनका क्रममा आज माइतीघरदेखि बालुवाटारसम्म पैदलयात्रा आयोजना गरिएको छ ।

बाँकेबाट काठमाडौं पुगेर आन्दोलन गरिरहेका रुबी खान सहितका आन्दोलकारी महिलाहरुलाई आइतबार महिला अधिकार मञ्च, महिला सुरक्षा दबाब समूह, नेपाल मुस्लिम महिला कल्याण समाज लगायतका सङ्घ संस्थाले एक्यवद्धता जनाउँदै पैदलयात्रामा सहभागी भएका हुन् ।

पैदल मार्चलाई बृहत् नागरिक आन्दोलनले समेत ऐक्यबद्धता जनाएको छ । बाँकेकी निर्मलाको हत्यामा संलग्न रहेको आरोप लागेका कांग्रेस नेता बादशाहलाई नेपाली कांग्रेस र नेकपा एमालेको गठबन्धनले लुम्बिनी प्रदेशको वन तथा वातावरण मन्त्री बनाएको छ ।

LIfe Ok

विगतमा उनीमाथि लागेको अपराधको आरोपबारे छानबिन गर्न र दोषीहरूलाई न्यायको कठघरामा उभ्याउन राज्यले गरेको आनाकानीका विरुद्ध विगतदेखि रुवी खान लगायतका अधिकारकर्मीहरूले पटक पटक आन्दोलन तथा अनसन गर्दै आएका छन् । हरेक आन्दोलनमा गृहमन्त्रालयले छानबिनको दायरामा ल्याउने लिखित सहमती जनाँदै आएको छ ।

बादशाह गृह मन्त्रालयको छानबिन समितिले समेत अनुसन्धान गर्नका लागि सिफारिस भैसकेका व्यक्ति हुन् ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८१ भदौ १६ गते आइतबार