Kohalpur Today Header Ads

विलिभर्स स्कुलको १ करोड ३० लाखको भवन उद्घाटन [फोटो फिचर]




कोहलपुर ।

बाँकेको कोहलपुर नगरपालिका—१० मा रहेको विलिभर्स ईमी स्कुलको १ करोड ३० लाखको नयाँ भवन उद्घाटन गरिएको छ । वि.स. २०६३ सालमा स्थापना भएको स्कुलले शनिबार १ करोड ३० लाख बराबरको १६ कोठे भवनको उद्घाटन भएको हो ।

बिलिभर्स इस्टन चर्च नेपाल आर्च डायोसिस काठमाडौ एपिस्कोपा हिज ग्रेस टाइटस मोर ओस्थाथिओसले १६ कोठे भवनको उद्घाटन गरेका थिए । कोहलपुर डायोसिस भिकार फादर ईस्वर लामाको सभापतित्वमा कार्यक्रम भएको थियो ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

विलिभर्स स्कुलका प्रिन्सिपल विजया चौधरीले स्वागत मन्तव्य राख्दै विद्यालयले शैक्षिक गुणस्तरमा उत्कृष्ट नतिजा प्राप्त गरेको भन्दै थप भौतिक संरचनाहरुसंगै कक्षा कोठाहरु समेत व्यवस्थित गरिएको बताइन् ।

यस्तै कार्यक्रममा प्रमुख अतिथि एपिस्कोपाले बालबालिकाको केन्द्र विन्दु रहेको यस विद्यालयलाई व्यवस्थित बनाउन नयाँ भवनले उत्साह थप गरेको बताए ।

कर्णाली, सुदुरपश्चिम र लुम्बिनी प्रदेशकै केन्द्र विन्दु कोहलपुरमा शिक्षा क्षेत्रमा अग्रगामी कदम चाल्न यस विद्यालयले भूमिका खेल्ने विश्वास व्यक्त गरे ।

विद्यालयको शैक्षिक क्षेत्रमा मात्र नभई अन्य अतिरिक्त क्रियाकलापमा समेत उत्कृष्ट प्रदान गर्दै आइरहेको र यहाँका अभिभावक, शिक्षक, व्यवस्थापन समितिले समेत योगदान प्रति हार्दिक कृतज्ञता व्यक्त गर्दै आगामी दिनमा समेत यहाँहरुको सहयोग र सुझावको अपेक्षा सहित एपिस्कोपाले धन्यवाद दिएका थिए ।

नेशनल प्याब्सनका केन्द्रिय सदस्य श्याम कंवरले शिक्षा क्षेत्रमा निजि विद्यालयहरुले लगानी गरी गुणस्तरीय शिक्षा प्रदान गर्दै सामाजिक सेवा समेत गरेको बताए ।

नेपाल सरकारले बनाएको पाठ्यक्रम बर्र्षै पिच्छे परिवर्तन गर्छ उनले भने परिवर्तन भएको पाठ्यक्रमलाई घोक्न नपठाएमा विद्यार्थीले जान्दैन । पाठ्यक्रम नै रट्टा लगाउने किसिमको विषयवस्तु हुन्छ त्यसकारणले नेशनल प्याब्सनले केन्द्रमा पाठ्यक्रमको विषयमा बृहत छलफल गरी निष्कर्ष पुगेको कंवरले बताए ।

कार्यक्रममा नेशनल प्याब्सन बाँकेका जिल्ला अध्यक्ष किशोराज मल्ल, सचिव वेग प्रसाद चन्द, कोहलपुरका अध्यक्ष विष्णु केसी र १० वडाका वडा सदस्य भिम प्रसाद पौडेलले आफ्नो भनाई राखेका थिए ।

यस्तै स्कुलका विव्यस अध्यक्ष फादर जगत तामाङ, भूपु विव्यस सदस्य हरि रावत, दिर्घ बहादुर शाही, स्कुलका संस्थापक डेजन गुरुङ, लगायत सम्पुर्ण विद्यार्थी, अभिभावक, शिक्षकहरुको समेत उपस्थित रहेको थियो । कार्यक्रमको सहजिकरण शिक्षक तेजेन्द्र विटालुले गरेका थिए ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८० पुस ७ गते शनिबार