कोहलपुर ।
बाँकेमा पहिलोे पटक खुल्ला साइक्लिङ प्रतियोगिता हुन लागेको छ । ‘स्वस्थ जीवन स्वच्छ वातावरण तथा आन्तरिक पर्यटक प्रबर्धन गरौं’ भन्ने मुल नाराका साथ कोहलपुर देउराली साइक्लिङ क्लबको आयोजनामा बाँकेमा पहिलोे पटक खुल्ला साइक्लिङ प्रतियोगिता हुन लागेको हो ।
प्रतियोगिता नयाँ वर्षको अवसरमा कोहलपुर चौराहदेखि देउरालीसम्म करिब १ सय ५० भन्दा बढि पुरुष र महिलाको सहभागितामा दुई वटा समूहमा खुल्ला साइक्लिङ प्रतियोगिता हुने क्लबका सचिव अमित पाठकले बताए । प्रतियोगितामा बाँकेका सबै पालिकाबाट सहभागि हुनेछन् ।
कोहलपुर नगरपालिका-११ कृषि चोक नजिकै रहेको यति साइकल स्टोरमा आफ्नो टिम दर्ता गराउन सकिनेछ ।
प्रतियोगितामा भाग लिने व्यक्तिहरुले टिम दर्ता गराउँदा मात्र १ सय रुपैया लाग्नेछ । प्रतियोगिता बाहेक फन रेसिङ्ग साइक्लिङ समेत गर्न सकिनेछ ।
प्रतियोगितामा प्रथम हुनेलाई १५ हजार, दोसो हुनेलाई १० हजार र तेस्रो हुनेलाई ५ हजार पुरस्कार सहित प्रमाण पत्र दिइने सचिव पाठकले बताए ।
काेहलपुर टुडे । २१ चैत्र २०७९, मंगलवार १४:०७