मेष
चु, चे, चो, ला, लि, लु, ले, लो, अ
आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ । बोलीको प्रभावले आर्थिक क्रियाकलापमा समेत फाइदा हुनेछ । नयाँ काम प्रारम्भ हुनेछ । मिहिनेतले सम्मानित स्थान दिलाउन सक्छ । अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ । बौद्धिक अभिव्यक्तिको तारिफ हुनेछ । सुखद् समाचारले उत्साह जगाउनेछ ।
वृष
इ, उ, ए, ओ, बा, बि, बु, बे, बो
पहिलेको सफलताले थप हौसला जगाउनेछ । बिछोडिएका परिवारजनसँग भेटघाट हुनेछ । नयाँ कामको प्रस्ताव आउनेछ भने सहयोगीहरू भेटिनेछन् रमाइलो जमघटका बीच स्वादिष्ट भोजनको आनन्द प्राप्त हुनेछ । बौद्धिक जगतले तारिफ गर्नेछ भने व्यक्तित्व निखार्ने अवसर प्राप्त हुनेछ । पहिलेका कमजोरी सुधार्दै जीवनशैलीमा परिवर्तन ल्याउन सकिनेछ ।
मिथुन
का, कि, कु, घ, ङ, छ, के, को, ह
आजको लाभांश सञ्चय नहुन सक्छ । व्यवसायमा लगानी बढाउनुपर्ने समय छ । आवश्यक पर्दा सरसापट तथा कर्जामार्फत धन जुट्नेछ । पछिका लागि केही वस्तु त्याग्नुपर्ने हुन सक्छ । केही फाइदा लिन अर्को वस्तु त्याग्नुपर्ला । सरसापटमा धन बाहिरिन सक्छ । आफ्नाबाट भने टाढिनुपर्ला । छिमेकमा असमझदारी बढ्ने देखिएकाले होसियारीसाथ काम लिनुहोला ।
कर्कट
हि, हु, हे, हो, डा, डि, डु, डे, डो
केही रकम हातलागी भए पनि तत्काल खर्चनुपर्ने स्थिति आउन सक्छ । आवश्यक पर्दा सरसापट वा कर्जामार्फत धन जुट्नेछ । भएको आम्दानी र सञ्चित रकम समेत खर्चनुपर्ला दिगो फाइदा हुने जिम्मेवारी भने प्राप्त हुनेछ । आम्दानीका स्रोत भेटिए पनि धेरै फाइदा उठाउन नसकिएला । श्रमको राम्रै मूल्यांकन भए पनि प्रतिफल तत्कालै प्राप्त नहुन सक्छ ।
सिंह
मा, मि, मु, मे, मो, टा, टि, टु, टे
प्रयत्न गर्दा राम्रै काममा जग बसाउने मौका छ । विशिष्ट व्यक्तिहरूसँग मित्रता बढ्न सक्छ । भेटघाटले समेत उत्साह बढाउला । मान–सम्मान प्राप्त होला । दिगो फाइदा हुने काम प्रारम्भ होला । मिहिनेतले नाम, दाम र इनाम दिलाउन सक्छ । सफलताले हिम्मत दिलाउनेछ । प्रतिष्ठित काम गरेर धेरैको मन जित्न सकिनेछ ।
कन्या
टो, प, पि, पु, ष, ण, ठ, पे, पो
अरूको काममा जुट्नुपरे पनि फाइदा आफैंलाई हुनेछ । तारिफयोग्य कामले धेरैको मन जित्न सकिनेछ । टाढिएका साथीभाइ नजिकिनाले हर्ष बढ्नेछ । भाग्यले विभिन्न अवसर थमाउनेछ । समुदायको हितमा राम्रै काम गर्न सकिनेछ । उपलब्धिको स्रोत पहिल्याउन सकिनेछ । सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ ।
तुला
र, रि, रु, रे, रो, ता, ति, तु, ते
शुभचिन्तक र प्रतिस्पर्धीलाई समेत समेटेर काम लिनुपर्ने समय छ । पहिलेका समस्या तर तत्काल लाभ नभए पनि समस्या सुल्झाउन सकिनेछ । स्वास्थ्यका लागि आहारविहारमा ध्यान पुर्याउनुहोला । चुनौतीपूर्ण कामको जिम्मेवारी वहन गर्नुपर्ला । दोहोरिनाले अलमल बढ्न सक्छ । हल्लाको पछि लाग्दा दुःख पाइनेछ । फजुल खर्चले अर्थ संग्रहमा बाधा पुग्न सक्छ ।
वृश्चिक
तो, ना, नि, नु, ने, नो, या, यि, यु
यात्रा, खानपान, मानोरञ्जन र पहिरनको सोख पनि पूरा हुने समय छ । राम्रो कर्मफल प्राप्त हुनाले मन प्रसन्न रहनेछ । सुखदुःखमा साथ दिनेहरू प्रशस्तै भेटिनेछन् र रिवारजनको साथले नयाँ आशा जगाउनेछ । विभिन्न सहयोग र उपहार पाइनेछ । मन मिल्ने साथी भेटिनुका साथै प्रेम र मित्रताको बन्धन कसिने सम्भावना छ । कामको चापबाट फुर्सद पाइनेछ ।
धनु
ये, यो, भ, भि, भु, ध, फा, ढ, भे
रोकिएका काम बन्नाले उत्साह जाग्नेछ । व्यापारलगायत आर्थिक लाभ हुने काममा फाइदा हुनेछ । संघर्ष गरेरै अधिकार स्थापित गर्न सकिनेछ । मिहिनेतले प्रतिस्पर्धाको दौड जिताउन सक्छ । प्रयत्न गर्दा सजिलै लक्ष्य प्राप्त हुनेछ । भौतिक साधन जुट्नेछन् र दिगो फाइदा हुने काम सुरु हुन सक्छ । प्रतिस्पर्धीहरू किनारा लाग्नेछन् भने मुद्दामा पनि विजय सम्भावना छ ।
मकर
भो, ज, जि, खि, खु, खे, खो, गा, गि
प्रतिष्ठित काम सम्पादन गर्ने अवसर प्राप्त हुनेछ । आँटले सजिलै लक्ष्यमा पुर्याउनेछ । व्यापारमा धेरै फाइदा नभए पनि पशुपालन तथा कृषि क्षेत्रबाट राम्रो लाभ मिल्नेछ । सुखद समाचारले दिन उत्साहपूर्ण रहनेछ । दिगो फाइदा हुने काम सम्पादन हुनेछ । अध्ययनको लगावले बौद्धिक क्षेत्र फराकिलो बन्नेछ । सन्तान वा अनुयायीको साथले हिम्मत जगाउनेछ ।
कुम्भ
गु, गे, गो, सा, सि, सु, से, सो, द
ईर्ष्यालु मन भएकाहरूले काममा अवरोध पुर्याउनेछन् । तर हिस्सेदारसँग असमझदारी बढ्नाले पहिलेको सम्झौता भंग हुन सक्छ । आफ्नैले पनि काममा साथ नदिन सक्छन् । आफ्ना सामानमा अरूले दाबी गर्लान् । प्रयत्न गर्दा विगतका कमजोरीलाई सुधार गर्न सकिनेछ । परिस्थितिसँग केही सम्झौता गर्नुपर्ला ।
मीन
दि, दु, थ, झ, ञ, दे, दो, च, चि
रोकिएका काम बन्ने र नयाँ काम प्रारम्भ गर्ने समय छ । उद्योग र व्यापारमा विशेष फाइदा हुनेछ । महत्त्वाकांक्षी योजना पनि बिस्तारै फलदायी हुनेछन् । गरिएका कर्मको उचित प्रतिफल पाइनेछ । मिहिनेतले नाम, दाम र इनाम दिलाउन सक्छ । सहयोगीहरूले राम्रो साथ दिनेछन् । विभिन्न उपहार प्राप्त हुने समय छ ।
उपप्रा. लक्ष्मीप्रसाद बराल (फलितज्योतिषाचनार्या)
काेहलपुर टुडे । १६ फाल्गुन २०७९, मंगलवार ०६:३६