कोहलपुर ।
बाँकेको कोहलपुर नगरपालिका १२ चप्परगौडीबाट १ सय १६ ग्राम लागुऔषध (ब्राउन सुगर) सहित तीन जनालाई पक्राउ गरेको छ ।
शनिबार करिब ३:३० बजेको समयमा कोहलपुर १२ चप्परगौडी स्थित सडक-खण्डमा फलफूल किन्ने अवस्थामा चेकजाँच गर्दा तीन जनालाई प्रहरीले पक्राउ गरेको हो ।
पक्राउ पर्नेमा बढैयाताल गाउँपालिका ७ बर्दियाका २१ वर्षका विशाल सिंह ठकुरी, कोहलपुर नगरपालिका ११ बाँकेका १८ वर्षका निर्जन ढकाल र बढैयाताल गाउँपालिका ७ बर्दियाका २८ वर्षका विक्रिम सिंह ठकुरी रहेका छन् ।
प्रहरीले मोवाईल ३ थान, मोटरसाइकल १ थान र नगद ९ हजार ८ सय बरामद गरेको इलाका प्रहरी कार्यालयका प्रमुख सुन्दर तिवारीले बताए ।
अनुसन्धान भइरहेको र कानून बमोजिम कारवाही पक्रिया अगाडि बढाइएको तिवारीले बताए । तिवारी कोहलपुरमा आएपछिको यो पहिलो काम हो ।
काेहलपुर टुडे । १४ फाल्गुन २०७९, आईतवार ०७:५२