शिवध्वज शाही, कोहलपुर
त्रिभुवन विश्वविद्यालय महेन्द्र बहुमुखी क्याम्पस नेपालगन्ज एल एल वि तेस्रो वर्ष पूरा गरेका विद्यार्थीहरुले आयोजना गरेको शुभकामना, बधाई तथा सम्मान कार्यक्रम गरिएको हो । एल एल वि तेस्रो वर्ष २०७४/०७७ व्याजमा अध्ययनरत दुई जना विद्यार्थीहरु हालै सम्पन्न लुम्बिनी प्रदेश सदस्यमा समानुपातिक कोटामा परेको नेपाली कांग्रेसबाट सन्जु कुमारी थारु र जसपाबाट अम्बिका काफ्ले सहित सुशील कोइराला प्रखर क्यान्सर अस्पतालका अध्यक्ष टेकेन्द्र मल्ललाई शुभकामना, बधाई तथा सम्मान गरिएको थियो ।
कार्यक्रममा बोल्दै उक्त व्याजका विद्यार्थी एकराज शर्माले उनिहरु लाई बधाई दिदै क्याम्पसमा एल एल वि संकायको स्तर वृद्धि गर्न सांसदहरूलाई आग्रह गरे । उनले महेन्द्र बहुमुखी क्याम्पस नेपालगन्जका क्याम्पस प्रमुख लालमणि आचार्यले विद्यावारिधि गरेकोमा विशेष बधाई दिदै क्याम्पसले उतिर्ण विद्यार्थीहरु लाई विर्सन नहुने कुरामा जोड दिए । उनले क्याम्पस बाट उतिर्ण विद्यार्थीहरु विभिन्न ओहदामा रहेर काम गरेकोले सबै विद्यार्थीहरुले क्याम्पसको श्रीवृद्धि गर्नु पर्नेमा जोड दिए । कार्यक्रममा प्रदेश सांसद सन्जु कुमारी थारुले क्याम्पसको विकासमा आफू अहोरात्र लागि पर्ने भौतिक संरचना निर्माण कार्यमा जोड दिने वताइन ।
त्यसैगरी प्रदेश सभा सांसद अम्बिका काफ्लेले जिर्ण भौतिक संरचना लगायत कानुन संकायको लागि आफ्नो ध्यान जाने वताईन । कार्यक्रममा प्रमुख अतिथि तथा महेन्द्र बहुमुखी क्याम्पस नेपालगन्जका क्याम्पस प्रमुख डा लालमणी आचार्यले अब एल एल वि आउने वर्ष देखि अनलाइन बाट पठनपाठन हुने र आगामी वर्ष देखि वि ए एल एल वि को पनि पढाइ हुने कुराको अवगत गराए । उनको एल एल वि उतिर्ण सम्पूर्ण विद्यार्थीलाई समेत बधाई दिए ।
उक्त कार्यक्रममा अधिवक्ता लोक बहादुर शाह, उप प्राध्यापक निरन्जन ज्ञवाली, पुर्व क्याम्पस प्रमुख गणेश रेग्मी लगायत कानुन संकायक प्राध्यापक तथा विद्यार्थीको उपस्थित रहेको थियो । कार्यक्रममा स्वागत मन्तव्य शंकर न्यौपानेले गरेका थिए । ७४ वर्षका विद्यार्थी बलभद्र वलिको अध्यक्षतामा सप्पन्न कार्यक्रमको सन्चालन कुल रजाइली र कमल शाहिले गरेका थिए । कार्यक्रममा सम्मान पत्र सहित दोसल्ला ओढाएर सम्मान गरिएको थियो । उक्त कार्यक्रममा क्याम्पस प्रमुख तथा पुर्व क्याम्पस प्रमुख समेतलाई दोसल्ला ओढाएर सम्मान गरिएको थियो । कार्यक्रम नेपालगन्जको स्वस्तिक होटेलमा सम्पन्न भएको थियो ।
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्