काठमाडौं ।
बलिउड अभिनेत्री नोरा फतेही आफ्नो नृत्य कौशलले परिचित छन् । मंसिर ४ गतेदेखि सुरु हुने फिफा विश्वकप फुटबलको उद्घाटन समारोहमा उनले प्रस्तुति दिने कुरा अब नयाँ रहेन ।
तर यसभित्र एउटा नयाँ कुरा छ । विश्वचर्चित गायिका निकी मिनाजसँग नोराले फिफाको आधिकारिक गीत ‘लाइट द स्काई’को प्रस्तुतिमा सहकार्य गर्ने जनाइएको छ ।
अन्तर्राष्ट्रिय सञ्चारमाध्यमले नोरा फतेही र निकी मिनाजको सहकार्यबारे समाचार लेखेका छन् । यो गायनसँगै नोरा गायिकाहरु जेनिफर लोपेज र शकिराकै क्लबमा ज्वाइन हुनेछिन्, जसले यसअघिका विश्वकप उद्घाटन समारोहमा प्रस्तुति दिइसकेका छन् ।
नोरा यसअघि कतार विश्वकपको आधिकारिक गीतमा फिचर्ड भइसकेकी छिन्, जुन अक्टोबर ७ मा रिलिज भइसकेको छ । कुनै भारतीय सेलिब्रिटीले विश्व खेलकुदको महाकुम्भमा सहभागी हुन लागेकी हुन् । इभेन्टमा नोराले हिन्दी गीत गाउने भनिए पनि यसबारे औपचारिक जानकारी आइसकेको छैन ।
काेहलपुर टुडे । २५ कार्तिक २०७९, शुक्रबार १०:०८