Kohalpur Today Header Ads

समस्या, लाखौँ प्रयोगकर्ताका मोबाइल नम्बर इन्टरनेटमा सार्वजनिक




काठमाडौं ।
ह्वाट्सएप निकै लोकप्रिय र तुलनात्मक रुपमा सुरक्षित मानिएको मेसेजिङ एप हो । तर यसमा पनि विभिन्न खाले सुरक्षा त्रुटि तथा बग पाइन्छन् । बग भनेको कुनैपनि सफ्टवेयरको डिजाइन, विकास तथा सञ्चालनमा देखा पर्ने त्रुटि तथा कमजोरी हो जसले प्रयोगकर्ताको डाटा सुरक्षा तथा गोपनियतामा समेत गम्भीर जोखिम पैदा गर्दछ ।

पछिल्लोपटक ह्वाट्सएपमा समेत यस्तै ठूलो त्रुटि फेला परेको छ जसका कारण लाखौँ प्रयोगकर्ताका मोबाइल नम्बर इन्टरनेटमा सार्वजनिक भएका छन् । ह्वाट्सएपमा पत्ता लागेको उक्त बगका कारण प्रयोगकर्ताका मोबाइल नम्बरहरु इन्टरनेटमा असरल्ल बनेको र त्यस्ता नम्बरका बारेमा जो कोहीेले थाहा पाउन सक्ने भएको छ ।

एकजना भारतीय इथिकल ह्याकरले ह्वाट्सएपको उक्त बग पत्ता लगाएका हुन् । आफुले यस विषयमा ह्वाट्सएपलाई इमेल गरेर जानकारी गराएको तर कम्पनीले यसलाई सुरक्षा त्रुटि नमानेको उनको भनाई छ ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

लाखौँ ह्वाट्सएप प्रयोगकर्ताको व्यक्तिगत जानकारी मध्येको एक मोबाइल नम्बर इन्टरनेटमा सार्वजनिक हुँदा त्यसको फाइदा ह्याकर तथा साइबर अपराधीलाई पुग्न सक्दछ । समाचार अनुसार ह्वाट्सएप क्रिएट कल लिंक फिचरको प्रयोग गर्ने ह्वाट्सएप प्रयोगकर्ताको मोबाइल नम्बर इन्टरनेटमा प्राप्त गर्न सकिन्छ ।

क्रिएट कल लिंक फिचरको सहयोगले प्रयोगकर्ताले अन्य ह्वाट्सएप प्रयोगकर्तालाई कल लिंक पठाएर भ्वाइस वा भिडियो कलमा बोलाउन सक्दछन् । उक्त बगका कारण ह्वाट्सएप च्याट शेयर गरिएको लिंकवाला मोबाइल नम्बर पनि गुगलमा सजिलै भेटाउन सकिने भएको छ । एजेन्सीको सहयोगमा

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७९ कात्तिक २३ गते बुधबार