कृष्ण कुमार शाही ।
नेपाली काँग्रेस कोहलपुर नगर समितिले बृहत रक्तदान कार्यक्रम गरेको छ । नेपाली काँग्रेसको पूर्व सभापति एवम् प्रधानमन्त्री शान्तिका नायक शिखर पुरुष गिरिजा प्रसाद कोइरालाको ९९औं जन्मोउत्सवको अवसरमा गरिएको रक्तदान कार्यक्रममा १ सय बढि पिन्ट रगत संकलन गरेको हो ।
आइतबार नेपाली काँग्रेस कोहलपुर नगर समितिको आयोजना र नेपाल रेडक्रस सोसाईटी कोहलपुर उप–शाखा बाँकेको सहजिकरणमा सो बृहत रक्तदान कार्यक्रम भएको थियो ।
कोहलपुर नगरपालिकाका प्रमुख पूर्ण आचार्यले रक्तदान गरी कार्यक्रमको उद्घाटन गरिएको थियो ।
यस्तै नेपाली काँग्रेसकोहलपुर नगर समितिका नगर सभापति विरेन्द्र कुमार शाहले रगतको अभाव नहुन दिन रक्तदान कार्यक्रम गरिएको बताए । शाहका अनुसार आइतबार बिहान ७ बजेदेखि सुरु भएको रक्तदान कार्यक्रम साँझ ५ बजे सकिएको थियो । सो कार्यक्रममा १ सय २ पिन्ट रक्तदान संकलन भएकाे थिए ।
कार्यक्रममा उपप्रमुख संगिता सुवेदी, वडा अध्यक्ष, सदस्य, राजनितिक दलका प्रतिनिधि लगायतको उपस्थिति थियो ।
काेहलपुर टुडे । १९ असार २०७९, आईतवार २३:१७