सुदाम शर्मा, सल्यान
सल्यानमा एक समूहले युवकमाथि धारिलो हतियार प्रहार गरी फरार भएका छन् । जिल्लाको शारदा नगरपालिका –२ खलंगा स्थित मध्यपश्चिम होटलमा खाजा खाइरहेका शारदा नगरपालिका –२ जोगीदेउखोलाका १८ वर्षीय ओपेन्द्र केसीमाथि एक समूहले धारिलो हतियार प्रयोग गरी घाइते बनाएको हो ।
जिल्ला प्रहरी कार्यालय सल्यानले जनाए अनुसार हतियार प्रहार गर्ने चारै जना फरार रहेको र उनीहरुको खोजी कार्य भइरहेको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिए ।
घाइते केसीको सल्यान जिल्ला अस्पतालमा उपचार भइरहेको र अवस्था सामान्य रहेको उहाँको भनाई छ ।
काेहलपुर टुडे । २६ जेष्ठ २०७९, बिहीबार ०७:५१