भक्तपुर ।
भक्तपुरको मध्यपुरथिमि नगरपालिकामा आफ्नै बहिनी ज्वाइँलाई हराएर जेठान नगरप्रमुखमा निर्वाचित भएका छन् । गठबन्धनतर्फबाट नेपाली कांग्रेसका सुरेन्द्र श्रेष्ठले ४ हजार ६३ मतको अन्तरले ज्वाइँ मदनसुन्दर (जगुलु) श्रेष्ठलाई पराजित गरेका हुन् ।
सुरेन्द्रले १५ हजार ९८ मत ल्याएर विजयी भए । मदनसुन्दरले ११ हजार ३५ मत मात्रै ल्याउन सके ।
२०७४ को निर्वाचनमा १४ हजार मत ल्याएर एमालेबाट नगरप्रमुखमा विजयी भएका मदनसुन्दर यसपटकको निर्वाचनमा भने आफ्नै जेठानसँग पराजित भए ।
काेहलपुर टुडे । ६ जेष्ठ २०७९, शुक्रबार १२:०५