काठमाडौँ । विद्यालयमा पंखा र खानेपानी जस्ता भौतिक सुविधाहरू गाउँपालिकाले उपलब्ध नगराएको भन्दै विद्यार्थीहरूले प्रमुख प्रशासकीय अधिकृतमाथि दुर्व्यवहार गरेका छन् ।
सप्तरीको छिन्नमस्ता गाउँपालिकाका प्रमुख प्रशासकीय अधिकृत केशब कुमार झामाथि श्री माध्यमिक विद्यालय लालापट्टिका विद्यार्थीहरूले कार्यकक्षमै पुगेर दुर्व्यवहार गरेको नगरपालिका स्रोतले जानकारी दिएको छ ।
बुधबार बिहान करिब १० बजेको समयमा १५० भन्दा बढी विद्यार्थीहरूको हुल एकै साथ प्रमुख प्रशासकीय अधिकृतको कार्यकक्षमै गएर दुर्व्यवहार गरेको पालिकाका सूचना अधिकारी दीपक मेहताले जानकारी दिए । यसबारेमा आज पालिकाका कर्मचारीहरूले जिल्ला प्रशासन कार्यालयलाई ध्यानाकर्षण गराइएको उनले बताए ।
विद्यार्थीहरूले प्रमुख प्रशासकीय अधिकृतको कार्यकक्षमा प्रवेश गरी दुर्व्यवहार गर्नुका साथै कुर्सीबाट लडाउने, अपशब्द प्रयोग गर्ने र कार्यालयको झ्यालका सिसा लगायतका सार्वजनिक सम्पत्ति तोडफोड गरी ठूलो क्षति पुर्याएको पालिका स्रोतले बताएको छ ।
prasashan.com बाट साभार
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्