अण्डर १५ फुटबल प्रतियोगिता : चार विद्यालय सेमिफाइनल प्रवेश

कोहलपुर । बाँकेको कोहलपुर नगरपालिका ०२ मा रहेको तेह्र विगाहमा चलिरहेको अण्डर १५ फुटबल प्रतियोगितामा चार वटा विद्यालय सेमिफाइनलमा पुगेका छन् ।

क्षेत्र नं. १ ख अन्तर्गत क्षेत्रिय विकास कोष अन्तर्गत सामाजिक विकास डिविजन कार्यालय नेपालगञ्जको आर्थिक सहयोगमा १० दिने फुटबल प्रशिक्षण पछि अण्डर १५ फुटबल प्रतियोगितामा चार वटा विद्यालय सेमिफाइनलमा पुगेका छन् ।

सेमिफाइनलमा पुग्नेहरुमा ज्ञानज्योति माध्यमिक विद्यालय, गोर्खा यूनाईटेड पब्लिक स्कुल र जिवनज्योति स्कुल रहेका छन् ।

यस्तै फुटबल प्रतियोगिताको दोस्रो दिनको पहिलो खेलमा नेपाल राष्ट्रिय माध्यमिक विद्यालय खड्कवारलाई र ज्ञान ज्योति मावि चप्परगौडीले (०-७) गोल गरी सेमिफाइनलमा पुगेको थियो भने दोस्रो खेलमा कृष्ण माध्यमिक विद्यालयलाई गोर्खा पब्लिक स्कुलले (०-२) गोल गरी गोर्खा पब्लिक स्कुल सेमि फाइनलमा पुगेको थियो ।

यस्तै दोस्रो दिनको तेस्रो खेलमा त्रिभुवन माध्यमिक विद्यालयलाई जिवनज्योति स्कुलले (०-५) गोल गरी सेमिफाइनलमा पुगेको थियो ।

प्रतियोगितामा प्रथम हुने टिमलाई ५० हजार, द्धितीयलाई ३० हजार र तृतीयलाई १५ हजार रुपैया नगद सहित मेडल र प्रमाण पत्र दिइनेछ भने ३ विधामा उत्कृष्ट खेलाडीहरुलाई जनही ५ हजार उपलब्ध गराउने सिटि यूथ क्लबका अध्यक्ष शाहीको भनाई रहेको थियो । प्रतियोगिता १५ गतेसम्म सञ्चालन हुनेछ ।

सच्याइएकाे : ग्रिन पिस विद्यालयकाे नाम छुटेकाेले सच्याइएकाे छ । स.