Kohalpur Today Header Ads

फोहोर व्यवस्थापन कार्यविधि कार्यान्वयन गराउन सुझाव संकलन गर्दै कोहलपुर




कोहलपुर । बाँकेको कोहलपुर नगरपालिकाले फोहार व्यवस्थापन कार्यविधि पूर्ण रुपमा कार्यान्वयन गराउन सुझाव र सल्लाह माग्न थालेको छ ।

कोहलपुर नगरपालिका विभिन्न टोल सुधार समिति, राजनितिक दल, संघसंस्था लगायत सामाजिक अगूवाहरुबाट फोहार व्यवस्थापन कार्यविधि पूर्ण रुपमा कार्यान्वयन गराउन सुझाव र सल्लाह माग्न थालेको हो ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

कोहलपुर नगरपालिकाको नगर प्रहरी, विपद् व्यवस्थापन शाखाको आयोजनामा विभिन्न समयमा सबै सरोकारवालाहरुसंगको छलफल गरी महत्वपूर्ण सुझाव, राय, सल्लाह संकलन भएको नगर प्रहरी प्रमुख विर बहादुर थापाले जानकारी दिए ।

कोहलपुर नगरपालिकाले हालसम्म कोहलपुर नगरपालिकाले सरसफाई, फोहोरमैला र वातावरण व्यवस्थापनसँग सम्बन्धित वातावरण तथा प्राकृतिक स्रोत संरक्षण ऐन २०७७, वन व्यवस्थापन ऐन २०७८, सार्वजनिक क्षेत्रको सरसफाइसम्बन्धी कार्यविधि २०७६, संक्षिप्त वातावरणीय अध्ययन तथा प्रारम्भिक परीक्षण कार्यविधि २०७७ र फोहोर व्यवस्थापन सुझावसहितको अध्ययन प्रतिवेदन २०८० निर्माण गरिसकेको छ ।

नगर प्रहरी प्रमुख थापाले हाल कोहलपुरमा दैनिक ८–१० टन फोहोर उत्पादन हुने र तीमध्ये घरबाट ६३ प्रतिशत, कार्यालयबाट २८ प्रतिशत र होटलबाट ९ प्रतिशत फोहोर उत्पादन हुने गरेको बताए ।

यस्तै नागरिक उन्मुक्ति पार्टीका नेता भुम भण्डारीले स्थानिय सरकारले विगतमा बनाएका फोहारमैला व्यवस्थापन सम्बन्धी कानून, ऐन, नियम र कार्यविधिहरुलाई अहिलेको अवस्थामा संशोधन गर्नुपर्ने बताए ।

कोहलपुर नगरपालिकामा काम गर्ने कर्मचारीबाट यो अभियान सुरु गर्नुपर्छ उनले भने सबै सामुदायिक र कर्मचारीहरुकै घरबाट फोहारमैला व्यवस्थापन गर्न सदस्य बन्न आग्रह गर्नुपर्ने भण्डारीले बताए ।

स्थानीय सरकार र सरोकारवाला निकायले पनि कोहलपुरमा सरसफाइबारे सचेतना फैलाउन आवश्यक छ भने फोहोरको वर्गीकरणदेखि संकलन र व्यवस्थापनमा एकद्वार प्रणाली लागु गर्नुपर्ने भण्डारीको भनाइ छ ।

यस्तै नेकपा (माओवादी केन्द्र) कोहलपुर नगर समितिका अध्यक्ष बलबहादुर खड्काले नगर प्रमुखलाई भेटेर फोहोरमैला व्यवस्थापनका विषयमा सुझाव दिइसकेको बताए ।

पार्टीले यसअघि कोहलपुर नगरपालिकाका नगर प्रमुख पूर्णप्रसाद आचार्यलाई ४१ बुँदे मागपत्र बुझाएको भन्दै कोहलपुरलाई प्लाष्टिक मुक्त गर्न आवश्यक रहेको उनको भनाइ थियो ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८२ असार ४ गते बुधबार