७औं राष्ट्रपति रनिङ शिल्डकाे उपाधि जनता मावि रागेचौरलाई

सल्यान । कुमाख गाउँपालिकाको राष्ट्रपति रनिङ शिल्ड जनता माध्यमिक विद्यालय रागेचौरले जितेको छ । बुधबारदेखि शुरू भएको शिल्डमा रागेचौरले १५ स्वर्ण सहित प्रथम बनेको हो ।

शनिबार सम्म चलेको खेलकुदमा नारायण मावि रूमालगाउ १० स्वर्ण सहित द्वितीय बनेको छ भने ३ स्वर्ण सहित बुद्धजनकल्याण मावि बडागाउ तृतिय बनेको छ ।

त्यस्तै १ स्वर्ण सहित चौथो स्थानमा जनकल्याण मावि कोट, अनि पाचौमा महेन्द्र मावि जिमाली रहेका छन । यी ४ वटै विद्यालय १२ कक्षासम्म संचालित छन ।

अन्य ७ विद्यालय कक्षा १० सम्म संचालित विद्यालय रहेकाले संवरण पदक प्राप्त गर्नेमा कमजोर रहेका छन । शनिवार गाउँपालिका अध्यक्ष मान बहादुर बुढाथोकी, प्रमुख प्रशासकीय अधिकृत दिलिप कुमार सोनी, निवर्तमान उपाध्यक्ष डिल्लीराज जैशीको उपस्थितिमा एक कार्यक्रमका विच विजेता खेलाडीलाई सम्मान गरिएको छ ।