गोलपार्कको भ्यू टावर वरिपरी सरसफाई

कोहलपुर ।

बाँकेको कोहलपुर नगरपालिका गोलपार्कको भ्यू टावर परिपरी सरसफाई कार्यक्रम गरिएको छ । कोहलपुर नगरपालिकाको आयोजनामा नियमित रुपमा कोहलपुर नगर सरसफाई कार्यक्रम अन्तर्गत आज कोहलपुर ११ भ्यू टावर वरिपरी सरसफाई कार्यक्रम गरिएको हो ।

कोहलपुर नगर प्रहरीका प्रमुख विर बहादुर थापाको नेतृत्वमा कोहलपुरका विभिन्न चोक चौराहहरुमा सरसफाई अभियान सुरु भएका छन् । कोहलपुरको उत्तरमा कौशिलानगर, दक्षिणमा हवल्दारपुर, पुर्वमा रोहिनी खोला, पश्चिममा मदनचोक लगायत क्षेत्रभित्र नियमित रुपमा सरसफाई गरिरहेका छन् ।

सरसफाई कार्यक्रममा गोलपार्क उपभोक्ता समितिका संयोजक तथा पदाअधिकारी, स्थानियहरुको समेत उल्लेख्य उपस्थित रहेको थियो ।