बालापुरमा अन्डर फिफ्टिन फुटबल प्रतियोगिता सुरु

कोहलपुर ।

राप्तीसोनारी ८ बालापुरमा आज बिहीबारदेखि १५ मुनिका खेलाडीहरुको सहभागितामा (अन्डर फिफ्टिन फुटबल प्रतियोगिता ) सुरु भएको छ ।

समाज सुधार एन्ड रोयल स्पोर्ट्स क्लब बालापुरको आयोजनामा सुरु भएको प्रतियोगितामा राप्तीसोनारीका १० वटा टिमहरुको सहभागिता रहेको छ! खेलको समाजसेवी मोहन गौतमले उदघाटन गरेका थिए ।

क्लबका अध्यक्ष विकास कुसारीको सभापतित्वमा भएको खेलको उदघाटन सत्रमा जनशक्ति मावी बालापुरका शिक्षक तिमोथी ताम्राकार ,खल बहादुर खत्री,बल बहादुर खत्री लगायतको सहभागीता रहेको थियो ।

प्रतियोगितामा उत्कृष्ट स्थान प्राप्त गर्नेलाइ नगद तथा प्रमाणपत्र प्रदान गरिने आयोजकले जनाएको छ ।