राप्तीसोनारीमा मोटरसाइकल दुर्घटनामा २ जनाको मृत्यु, तीन जनाको अवस्था गम्भिर

बैजापुर, बाँके ।

बाँकेका राप्तीसोनारी गाउँपालिकामा मोटरसाइकल दुर्घटना हुँदा २ जनाको मृत्यु भएको छ ।

बुधबार बेलुका करिब ५ बजेको समयमा राप्तीसोनारी-४ लठ्ठापुर स्थित नेपालगंज अगैया हुलाकी सड्क खण्डमा पुर्वबाट पश्चिमतर्फ जाँदै गरेको भे १२ प ३१९५ नम्बरको मोटरसाइकल र विपरित दिशाबाट जाँदै गरेको भे १२ प ४८२८ नम्बरको मोटरसाएकल ठोकिँदा २ जनाको मुत्यु भएको इलाका प्रहरी कार्यालय बैजापुरले जनाएको छ ।

मृत्यु हुनेमा भे १२ प ३१९५ नम्बरका मोटरसाइकल चालक रामशरण थारु र भे १२ प ४८२८ का मोटरसाइकल चालक बसन्त थारुको मृत्यु भएको इलाका प्रहरी कार्यालय बैजापुर प्रहरी नायव निरिक्षक भद्रसिंह वलीले जानकारी दिए ।

वलीका अनुसार थप तीन जना घाइतेहरुलाई नसिङ्ग होम नेपालगञ्जमा उपचार भइरहेको जनाएका छन् भने घाइते हुनेहरुमा अजय थारु, संगिन थारु र संजय थारु रहेका छन् ।

तीन वटै घाइतेहरुको मुख र हातमा चोट लागेको छ भने अवस्था सिरियस रहेको इलाका प्रहरी कार्यालय बैजापुर प्रहरी नायव निरिक्षक वलीले जानकारी दिए ।