कोहलपुर ।
‘मुख्यमन्त्री कोहलपुर गोल्ड कप २०८०’ प्रतियोगिता सुरु भएको आज तेस्रो दिन सेमिफाइनलका लागि चर्च व्वाईज यूनाईटेड र गोर्खा व्वाईज भिड्न लागेका छन् ।
उद्घाटन खेलमा वियजी भएको चर्च व्वाईज यूनाईटेड र दोस्रो दिनमा (१-०) ले विजयी भएको गोर्खा व्वाईज विच प्रतिस्पर्धात्मक खेल हुने खेल संयोजक राम बहादुर मल्लले जानकारी दिए ।
उद्घाटन खेलमा चर्च ब्वाइजले आयोजकलाई पेनाल्टी सुट आउटमा (४-५) गोलको अन्तरले पराजित भएको थियो । निकै प्रतिस्पर्धात्मक खेलमा निर्धारित समयभित्र गोल हुन नसकेपछि ट्राइब्रेकरमा आयोजकलाई स्तब्ध पार्दै चर्च ब्वाइजले विजयी सुरुवात गरेको थियो ।
ब्वाइज क्लबका गोलकीप्पर अविशेक चौधरीले म्यान अफद म्याज धोषित भएका थिए भने उनले नगद रु ५ हजार रकम उपलब्ध गराइएको थियो ।
यस्तै प्रतियोगितामो दोस्रो दिनमा सुदरपश्चिम-११ धनगढीलाई गोर्खा व्वाईज स्पोर्ट क्लब बुटवलले १-० ले पराजित गर्दै विजयी भएको थियो । खेल सुरु भएको पाँच मिनेटमा दुई पटक कर्नर पाएको गोर्खा व्वाइजले खेल सुरु भएको ४५ औं मिनेटमा शक्ति राईले गोल हानेका थिए ।
खेल सुरुदेखि नै दवावमा राखेको गोर्खा व्वाईजले सुदुरपश्चिम ११ लाई (१-०)ले पराजित गरेको थियो । प्रतियोगितामा अफ्रिकन देश क्यामरुनको एभिनियर एफसिसहित नेपालका चर्च व्वाइज यूनाइटेड काठमाडौँ, गोर्खा व्वाइज स्पोर्टस क्लब बुटवल, सुदूरपश्चिम ११, स्पोर्ट्स क्लब धनगढी, त्रिभुवन आर्मी फुटबल क्लब काठमाडौँ, कोहलपुर रेसिङ साहारा क्लब कोहलपुर, वि.एफ.सी. चितवन क्लब चितवन, र दुधौली स्पोर्ट्स क्लब सिन्धुली गरी आठ टोलीको सहभागिता रहेको छ ।
प्रतियोगितामा प्रथम हुनेलाई ८ लाख रुपैया र दोस्रो पुरस्कार ४ लाखसहित ट्रफी प्रदान गरिने रेसिङ्ग साहारा क्लबका अध्यक्ष चक्र क्षेत्रीले जानकारी दिए । उनका अनुसार फुटबल अवलोकनका लागि अस्थायी प्याराफिट निर्माण गरिएको छ ।
खेल अवलोकन गर्ने दर्शकका लागि आयोजकले यसपटक भने टिकट ब्यवस्था गरिएको छ । प्याराफिटमा एक सय रुपैया लाग्नेछ भने ग्राउण्डमा ५० रुपैया लाग्ने अध्यक्ष क्षेत्रीले बताउनुभएको छ ।
‘मुख्यमन्त्री कोहलपुर गोल्ड कप २०८०’ का मुख्य प्रयोजक नेपाल टेलिकम दुरसञ्चार रहेको छ भने मिडिया पाट्नर ‘द काठमाण्डौं पोष्ट’ र कोहलपुर टुडे डटकम रहेको छ । बिहिबार ८ सय ५० बढि दर्शकले फुटबल प्रतियोगिता अवलोकन गरेका थिए । प्रतियोगिता कात्तिक २२ गतेसम्म सञ्चालन हुनेछ ।
काेहलपुर टुडे । १७ कार्तिक २०८०, शुक्रबार ११:१४