कोहलपुर ।
कोहलपुर नगरपालिका वडा नं. ८ मा वडा कप हुन लागेको छ । २०८० सालको महान चार्ड वडा दसैको अवसरमा हुन लागेको वडा कपमा १० विधामा खेलकुद प्रतियोगिता हुन लागेको हो ।
कोहलपुर नगरपालिका वडा नं. ८ का वडा अध्यक्ष लाल बहादुर रानाले वडा स्तरीय वडा कप असोज २६ गतेबाट सुरु हुन लागेको बताए । वडामा सबै किसिमका उमेर समूहहरुका लागि विभिन्न किसिमका खेलकुद प्रतियोगिता हुने छ ।
प्रतियोगितामा फुटबल, भलिबल, व्याटमिन्टन, १०० मिटर दौड, घैटो फुटाउने, सटफूट, कुर्सी दौड, डोरी तान्ने(मैत्रीपूर्ण), सियो धागो, स्विट रेस लगायतका रोचक प्रतियोगिता हुन लागेका छन् ।
प्रतियोगितामा स्विट रेस र १०० मिटर दौड बाहेक सबैमा खसी र प्रमाण पत्र रहेको छ भने स्विट रेस र १०० मिटर दौडमा भने नगद पुरस्कार सहित प्रमाण पत्र रहेको छ ।
सूचना हेर्नुहोस् ।
काेहलपुर टुडे । २४ आश्विन २०८०, बुधबार २१:४१