काठमाडौँ ।
पोखरा स्थित सुर्यदर्शन सहकारीका कोषाध्यक्षलाई प्रहरीले पक्राउ गरेको छ । सुर्यदर्शन बचत तथा ऋण सहकारीका कोषाध्यक्ष कुमार रम्तेललाई काठमाडौँबाट पक्राउ गरिएको कास्कीका एसपी मोहन थापाले बताए ।
उपत्यका अपराध अनुसन्धान कार्यालयसँगको समन्वयमा रम्तेललाई पक्राउ गरिएको एसपी थापाले जानकारी दिए । सुर्यदर्शन सहकारीका संचालकहरु विरुद्ध जिल्ला प्रहरी कार्यालय पोखरामा ९ सय ७१ जनाले रकम हिनामिना गरेको भन्दै उजुरी दिएका छन् ।
सहकारीका पूर्व अध्यक्ष गितेन्द्रबावु (जीबी) राईसहित ६ जना विरुद्ध जिल्ला अदालत कास्कीबाट पक्राउ अनुमति जारी भएको छ । बचतकर्ताको १ अर्ब ८ करोड रकम हिनामिना भएको जाहेरीमा उल्लेख गरिएको छ ।
काेहलपुर टुडे । २६ भाद्र २०८०, मंगलवार १०:०७