मध्यपश्चिम विश्वविद्यालयका उपकुलपति प्रा. डा. नन्दबहादुर सिंहको प्रमुख आतिथ्यता तथा मध्यपश्चिम विश्वविद्यालय तालिम इकाईका संयोजक उप.प्रा. कल्पना पौडेलको अध्यक्षतामा मध्यपश्चिम विश्वविद्यालय तालिम इकाईद्वारा आयोजित पाँच दिने तालिम सम्पन्न भएको छ ।
समापन कार्यक्रममा बोल्नु हुँदै प्रमुख अतिथि एवं उपकुलपतिज्यूले यस तालिमले सहभागी प्राध्यापकहरुको क्षमता विकासमा सहयोग पुगेको र सोको प्रतक्ष्य लाभ विद्यार्थीहरुमा पर्ने कुरामा विश्वास व्यक्त गरेका थिए ।
उनले अबको दिनमा समेत यस प्रकारका तालिमहरु थप शसक्त रुपमा अगाडि बढ्ने र सोही उदेश्यका साथ मध्यपश्चिम विश्वविद्यालय तालिम इकाई, मुटुको स्थापना भएको जानकारी दिएका थिए ।
विश्वविद्यालय अनुदान आयोगको सहयोगमा संचालित उक्त तालिम असार ६ देखि १० गते सम्म केन्द्रीय कार्यालय स्थित सेमिनार हलमा संचालन भएको थियो ।
काेहलपुर टुडे । ११ असार २०८०, सोमबार ११:४०