कोहलपुर ।
बाँकेको कोहलपुर नगरपालिका वडा नंं ८ मा नयाँ बर्षका अवसरमा भलिबल प्रतियोगिता सुरु भएको छ ।
द राइजिङ्ग युथ क्लबको आयोजनामा आजदेखि कोहलपुर नगरपालिका वडा नं. १४ का वडा अध्यक्ष नम बहादुर आलेले उदघाटन गर्दै भलिबल सुरु भएको हो ।
वडा अध्यक्ष आलेले खेलकुदमा वडास्तर देखि नै खेलकुदको विकास गर्नका लागि भलिबल प्रतियोगिता सुरु गरिएको बताए ।
आलेले रेफ्री युवराज रावतलाई बल हस्तान्तरण गर्दै खेल सुरु भएको थियो ।
प्रतियोगितामा कोहलपुर नगरपालिकाका ७ वटा वडाले सहभागीता जनाएको अंकित योगीले जानकारी दिए । जसमा २, ३, ७, ९, १०, १२ र ८ का भने दुई टिम गरी ८ वटा टिमले भलिबल प्रतियोगितामा सहभागि भएका छन् ।
योगीका अनुसार प्रथम २० हजार र द्धितीय १० हजार रुपैया नगद पुरस्कार सहित प्रमाण पत्र समेत दिइनेछ ।
काेहलपुर टुडे । २९ चैत्र २०७९, बुधबार ०९:२४