Kohalpur Today Header Ads

लुम्बिनीमा फोहोर व्यवस्थापन चुनौतीपूर्ण बन्दै




रुपन्देही ।

धार्मिक पर्यटनको केन्द्र लुम्बिनीमा फोहर व्यवस्थापन हुन सकेको छैन । दैनिक रूपमा फोहर सङ्कलन र व्यवस्थापन नहुँदा लुम्बिनी परिसरमा भ्रमण गर्ने पर्यटकलाई समेत असहज भएको उनीहरू बताउँछन् ।

वीरगन्जबाट लुम्बिनीको भ्रमणमा आएका अजय कलवारले भने, ‘लुम्बिनीको मायादेवी मन्दिरमा मात्र सरसफाइ गरेर पुग्दैन, वरिपरिको सबै क्षेत्रमा सरसफाइ गर्नुपर्छ तर त्यस्तो देखिएन, वरपरका धेरै ठाउँमा थुप्रिएको फोहोरको डङ्गुरले पर्यटकलाई समेत असहज भएको छ ।’ लुम्बिनी विकास कोषले सरसफाइमा ध्यान पुर्याउन नसकेको उनको ठहर छ ।

LIfe Ok

काठमाडौँबाट लुम्बिनी घुम्न आएका अनुजा शाक्यले भनिन्, ‘लुम्बिनी निकै शान्त र सुन्दर छ तर सरसफाइमा अलि कमजोरी देखिन्छ, भरसक पर्यटकले नदेख्ने गरी फोहर व्यवस्थापन गर्न जरुरी छ ।’ लुम्बिनी परिसरमा स्टिमर सञ्चालन गरिएको नहरमा पानी दूषित प्रकारको रहेको भन्दै शाक्यले पानीको शुद्धताका लागि सरसफाइमा थप ध्यान दिइनुपर्ने बताइन् । नहरको पानी धुलो र झारपात तथा जमेको लेउले फोहोर बनेको भन्दै उनले गुनासो गरिन् ।

अघिल्लो महिना लुम्बिनी भ्रमणमा आएका नेपाल सरकारका पर्यटन मन्त्री सुदन किराँतीले लुम्बिनीमा फोहोर बढेको भन्दै आक्रोश व्यक्त गरेका थिए । पर्यटन मन्त्री किराँतीले गुनासो गरे पनि सरसफाइमा लुम्बिनी विकास कोषले खासै चासो दिएको छैन ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७९ फागुन २१ गते आइतबार