Kohalpur Today Header Ads

सर्लाहीमा छुट्टाछुट्टै घटना दुर्घटनामा दुई जनाको मृत्यु




वीरगञ्ज ।
सर्लाहीमा छुट्टाछुट्टै घटना दुर्घटनामा दुई जनाको मृत्यु भएको छ । घरको बरण्डाबाट लडेर र पोखरीमा डुबेर दुई जनाको मृत्यु भएको हो ।

मंगलबार राति साढे ८ बजे बरण्डाबाट खसेर धनुषाको गणेशमान चारनाथ नगरपालिका–. ४ वीरेन्द्र बजार बस्ने ५० वर्षीय भरतलाल लामाको मृत्यु भएको हो । लालबन्दी नगरपालिका–१ स्थित संजय कुशवाहाको घरमा डेरा गरी बस्दै आएका लामा तीन तल्ले घरको बरण्डाबाट खसेका थिए । बरण्डामा बस्ने क्रममा खसेर भरतलाल घाइते भएका थिए ।

उनलाई सर्लाहीकै हरिवनस्थित नमुना अस्पतालमा उपचारका लागि लगिएको थियो । उपचाकरको क्रममा राति ८ः५५ बजे अस्पतालका चिकित्सकले उनको मृत्यु भएको घोषण गरेका थिए । जिल्ला प्रहरी कार्यालय सर्लाहीका सूचना अधिकारी प्रहरी नायब उपरीक्षक विजय श्रेष्ठका अनुसार सर्लाहीमै पोखरीमा डुबेर १० वर्षीया बालिकाको मृत्यु भएको छ । सर्लाही ब्रहमपुरी गाउँपालिका– ६ नौकिलवा बस्ने देवशरण रायको छोरी १० वर्षीया उषा कुमारी यादवको मृत्यु भएको हो ।

LIfe Ok

मंगलबार बिहान १० बजेदेखि उषा घरबाट हराएकी थिइन् । उनको आमाले खोजतलासको क्रममा घरदेखि ४ सय मिटर पूर्व रत्नेश्वर रायको पोखरीमा डुबेर मरेको अवस्थामा साँझ साढे ५ बजेतिर फेला पारेकी थिइन् । घटनाबारे प्रारम्भिक अनुसन्धान गरी दुवै शव पोष्टमार्टमका लागि प्रादेशिक अस्पताल मलंगवामा राखिएको जिल्ला प्रहरी कार्यालय सर्लाहीले जनाएको छ ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७९ मंसिर २१ गते बुधबार