Kohalpur Today Header Ads

वन्यजन्तु मार्न हातहतियार राखेको आरोपमा तिन जना पक्राउ




गुलरिया ।
वन्यजन्तु मार्न हातहतियार राखेको आरोपमा ३ जना पक्राउ परेका छन्।
बर्दिया राष्ट्रिय निकुञ्जको मध्यवर्ती बाँसगढी नगरपालिकाको राँझा क्षेत्रमा वन्यजन्तु मार्न हातहतियार राखेको आरोपमा उनीहरू पक्राउ परेका हुन्।

बर्दिया राष्ट्रिय निकुञ्ज र नेपाल प्रहरीको संयुक्त टोलीले तीन थान भरुवा बन्दुकसहित पक्राउ गरेको जनाएको छ।

गस्ती टोलीले बाँसगढी नगरपालिका-२ निवासी ६० वर्षीय प्रेमबहादुर मल्लको साथबाट भरुवा बन्दुक १ थान, नाल १ थान, अन्दाजी २० ग्राम सिसाको छर्रा २ थान, रतुवाको जस्तो देखिने खुर १ थान, सोही स्थानका ५३ वर्षीय रतनबहादुर रानामगरको साथबाट भरुवा बन्दुक १ थान, सुतली पटाका ७ थान, ५२ वर्षीया लालमायाँ पुनमगरको साथबाट भरुवा बन्दुक १ थान बरामद गरेको हो।

LIfe Ok

निकुञ्जको मध्यवर्ती क्षेत्रहरूमा शिकारमा संलग्न रहेको भन्ने गोप्य सूचनाका आधारमा हातहतियार लगायत त्यसमा प्रयोग गरिने सामग्री र ओखेटोपहारसहित तीन जनालाई शुक्रबार नियन्त्रणमा लिएको प्रमुख संरक्षण अधिकृत अशोक भण्डारीले बताए।

हातहतियारसहित नियन्त्रणमा लिइएकासँग अनुसन्धान गरिरहेको उनले बताए। तीनै जना बर्दिया राष्ट्रिय निकुञ्जको हिरासतमा छन्।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७९ मंसिर ३ गते शनिबार