कान र आँखा शिविरबाट २ सय ९५ जना लाभान्वित

कोहलपुर ।

कोहलपुर नगरपालिका-२ मा आँखा र कान शिविरबाट २ सय ९५  जनाले सेवा लिएका छन् ।

बुधबार कोहलपुर नगरपालिका वडा नं. २ कार्यालयको सहकार्य, समाज सेवा संस्था नेपालको आयोजना, व्रिनोज कान स्वास्थ्य स्याहार केन्द्र र भिजन आँखा अस्पतालको प्राविधिक सहयोगमा कार्यक्रमको आयोजना गरिएको हो ।

यस्तै कोहलपुर नगरपालिका वडा नं. २ का वडा अध्यक्ष हरि कठायतले संसार देख्ने आँखा र सबैसंग सञ्चार गर्ने कान अति आवश्यक अंग हुन त्यसैले जहिले पनि सुरक्षित र सफा राख्नुपर्नेमा जोड दिएका थिए ।

कठायतका अनुसार आँखा तेजिलो बनाउन घरेलु उपचार पनि गर्न सकिन्छ । जसका लागि राति अमला भिजायर कपासको मदतले आँखामा दुई थोपा हाल्ने, अनिदो नबस्ने, भटमासका परिकार खाने, गेडागुडीको टुसा उमारेर बिहानको नास्तामा खाने र पल्टियर लामो समय सम्म टिभि नहेर्ने जस्ता वडा अध्यक्ष कठायतले सुझाव दिएका थिए ।

यस्तै समाज सेवा संस्था नेपालका अध्यक्ष विनोद थापाले कोहलपुरका जेष्ठ नागरिकहरुको आँखा र कानको समस्यालाई शिविरले बढि फोकस गरिएको बताए । केही दिन पहिले १४, ७, ८ र ९ वडामा शिविर सञ्चालन गरिसकेका छौं, आज २ नम्बर वडामा शिविर सञ्चालन गरेको संस्थाका अध्यक्ष थापाले बताउनुभयो ।

यस्तै शिविरमा २ सय जनाले आँखा चेकजाँच गराएका थिए भने जसमा २५ जनाको अप्रेशन गर्नुेपर्ने देखिएको छ भने ९५ जनाले कानको चेकजाँच गराएका थिए भने जसमा १८ जनाले अप्रेशन गर्नुपर्ने देखिएको छ । शिविरमा भिजन अस्पताल र व्रिनोज कान स्वास्थ्य स्याहार केन्द्रका डाक्टरहरुले चेकजाँच गरेका थिए ।