प्रदेश स्तरीय छनौटमा बाँके अग्र स्थानमा

कोहलपुर ।

नवौ राष्ट्रिय खेलकुद प्रतियोगितामा भाग लिनका लागि भएको प्रदेश स्तरीय छनौट खेलमा बाँके जिल्ला अग्र स्थानमा रहेको छ ।

बाँके जिल्ला तेक्वान्दो खेलमा ६ गोल्ड मेडल सहित बाँके जिल्ला अग्र स्थान लिन सफल भएको बाँके जिल्ला तेक्वान्दो संघका अध्यक्ष प्रकाश लामिछानेले बताए ।

बाँकेका ८ पालिकाले खेल क्षेत्रलाई साथ सहयोग नगरेको गुनासो गरेका छन् । ‘बाँकेका खेलकुद मन्त्री हुँदा पनि खेल सामग्रीको अभाव छ’ उनले भने, ‘अहिले प्रदेश र राष्ट्रिय स्तरका खेलमा बाँकेले उत्कृष्ट प्रस्तुति देखाउँदै आएको छ ।’

स्थानीयहरुका प्रतिनिधिहरुले समेत खेलाडिहरु राष्ट्रिका गहना भन्ने नारा लगाएको तर खेलाडिका लागि खेल सामग्रीको  समेत उपलब्ध नगराएकाे उनकाे गुनासाेे गरे ।

नवौ राष्ट्रिय खेलकुद प्रतियोगितामा भाग लिनका लागि भएको प्रदेश स्तरीय तेक्वान्दो खेलमा फाइट तर्फ सुनिल गुप्ता, निम बहादुर विक र सन्तोष थारु प्रथम भएका छन् ।

यस्तै पुम्सेतर्फ कमल राना र सनिया वली प्रथम, पियर पुम्सेतर्फ सुजल चन्द र प्रिती चन्द प्रथम स्थान प्राप्त गरेका छन् । बाँके जिल्लाबाट १९ जना खेलाडी सहभागि रहेको कोच टेकराज पाण्डेले बताए । लुम्बनी प्रदेशको बुटवलमा २ गते भएको खेल भएको थियो ।