मावि स्तरीय खुल्ला प्रतियोगितामा त्रिभुवन माविकी छात्रा ढकाल प्रथम

कोहलपुर ।

बाँकेको कोहलपुर–११ मा रहेको ज्ञानोदय सामुदायिक पुस्तकालय तथा स्रोत केन्द्रद्धारा गरिएको खुला कविता प्रतियोगितामा जयन्ती ढकाल प्रथम भएकी छिन् ।

१५ औं राष्ट्रिय पुस्तकालय दिवस–२०७९ को अवसरमा बाँके जिल्ला माध्यमिक विद्यालय स्तरीय खुला कविता प्रतियोगितामा त्रिभुवन नमूना माध्यमिक विद्यालय कोहलपुरकी छात्रा जयन्ती ढकाल प्रथम स्थान ल्याउन सफल भएकी छिन् ।

यस्तै गोरखा युनाइटेड पव्लिक स्कुलका छात्रा आयुष्मा चित्रकार द्धितिय, बाल ज्योति माध्यामिक विद्यालयका छात्रा निकिता बोहोरा तृतिय र गोरखा युनाइटेड पव्लिक स्कुलका छात्रा कृतिका सुवेदी सान्तवना भएकी हुन् ।

प्रतियोगितामा विजय हुनेहरुलाई क्रमसः १० हजार, ७ हजार, ५ हजार र २ हजार नगद रकम सहित प्रमाण पत्र प्रदान गरिएको थियो । कार्यक्रमा बाँके जिल्लाका १६ जना विद्यार्थीहरुको सहभागिता रहेको थियो ।

कविता प्रतियोगितामा निर्णायकहरुमा हाम्रो पूर्णिमाका तर्फबाट वि.पि. अस्तु, नविन विलासी र सन्तोषी विष्ठले रहेका थिए । प्रतियोगिता पुस्तकालयका अध्यक्ष चेतकान्त भट्टराईको अध्यक्षमा भएको र कार्यक्रम सञ्चालन सचिव एकराज शर्माले गरेका थिए ।