Kohalpur Today Header Ads

राप्तीसोनारीबाट हतियार र मोटरसाइकलसहित शिकारी पक्राउ




कोहलपुर  ।

प्रहरीको विशेष अप्रेशन अभियानले राप्ती सोनारी ४ सिक सामुदायिक बनबाट हात हतियार सहित सिकारी पक्राउ परेका छन् ।

विशेष सुचनाको आधारमा बुधबार मध्यराती सिक सामुदायिक बनको चुरे क्षेत्र बाट इलाका प्रहरी कार्यालय धामपुरको टोलीले १ थान लोडेट हतियार, जाल, ७ वटा मोटरसाइकल सहित राप्ती सोनारी ५ निवासी गया प्रसाद थारुलाई पक्राउ गरेको हो ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

इलाका प्रहरी धामपुरका इन्चार्ज प्रहरी नायव निरिक्षक प्रविण डाँगीले चोरी सिकारी हुँदै गरेको विशेष सुचनाको आधारमा अप्रेसन गरेपछि हात हतियार सहित पक्राउ गर्न सफल भएको जनाकारी दिए ।

प्रहरीको अप्रेसनबाट भागेका सिकारीहरुको पनि खोजी कार्य भइरहेको समेत सई डाँगीले जनाए ।

प्रहरीले भे १० प ९८९३, भे ६ प ७५०३, भे ७ प ६०४५, भे ४ प २२७२, भे ७ प ११०८, बा २६ प ९०१६ नम्बरको मोटरसाईकल समेत नियन्त्रणमा लिएको हो ।

उनका अनुसार पक्राउ गरिएको हात हतियार, मोटरसाइकल इलाका प्रहरी कार्यालय कोहलपुरमा बिहीबार बिहान बुझाइएको छ ।

इलाका प्रहरी कार्यालय कोहलपुरका प्रमुख प्रहरी नायव उपरिक्षक ऐन बहादुर मल्लले अनुसन्धान जारी रहेको र हात हतियार खरखजना सम्वन्धी मुद्दा चलाइने जानकारी दिए ।

डिएसपी मल्ले यस सम्वन्धी मुद्दामा ७ बर्ष कैद र ७० हजार सम्म जरिवाना हुने कानुनी ब्यवस्था रहेको उल्लेख गरे ।

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७९ भदौ २ गते बिहीबार