कोहलपुरमा खेलकुद विकास समितिको संयोजक थापा

कोहलपुर ।

कोहलपुर नगरपालिकाले खेलकुद विकास समितिको संयोजक बुद्धि बहादुर थापालाई मनोनयन गरेको छ ।

कोहलपुर नगरपालिकाको नगर खेलकुद विकास समिति सञ्चालन कार्यविधि, २०७६ को परिच्छेद ३ दफा ३ (क) बमोजिम थापालाई मनोनित गरिएको हो ।

कोहलपुर नगरपालिका नगर प्रमुखका स्वकिय सचिव गोपाल शर्माले नगर खेलकुद विकास समिति सञ्चालन कार्यविधि, २०७६ अनुसार समितिको संयोजक नगर प्रमुखले मनोनित गर्ने भएकोले थापालाई मनोनित गरिएको बताए ।

उनका अनुसार ४ पुरुष १ महिला गरेर ५ जना विज्ञ खेलाडीहरुबाट कार्यपालिकाले मनोनित गर्ने व्यवस्था रहेको छ ।

संयोजकले १ महिला सहित ३ सदस्य नगरमा रहेका विभिन्न क्लबहरु बाट मनोनित गर्ने व्यवस्था छ । थापा अन्तराष्ट्रिय तेक्वान्दोका एमपायर र राष्ट्रिय खेलाडी हुन् ।