जनकपुरधाम ।
महोत्तरीमा ज्वाइँले श्रीमती र सासुको शरीरमा आगो लगाएको घटना बाहिरिएको छ ।
भंगहा नगरपालिका ९ कञ्चनवनकी ६५ वर्षीया रेश्मादेवी सदा र ३५ वर्षीया प्रमिलादेवी सदालाई औरही नगरपालिका–८ का शंकर सदाले मट्टीतेल खन्याएर आगो लगाएको महोत्तरीका प्रहरी नायव उपरीक्षक प्रकाश बिस्टले जानकारी दिए ।
उनकाअनुसार आरोपित शंकर फरार छन् । उनको खोजी भइरहेको छ ।
आगो लागेर घाइते भएका दुवैजनाको उपचार प्रादेशिक अस्पताल जनकपुरधाममा सम्भव नभएपछि काठमाडाैं रेफर गरिएको छ । घटनाबारे यकिन कारण नआएपनि घरायसी विवादका कारण आवेगमा आएर आगो लगाइएको प्रहरीको अनुमान छ ।
आगोले रेसमादेवी सदाको पिठ्यु, पाखुरा र बायाँ खुट्टा जलेको छ । प्रमिलादेवी सदाको हात, खुट्टा र छाती जलेको छ । उनीहरूको अवस्था चिन्ताजनक रहेकोले थप उपचारका लागि काठमाडौं रेफर गरिएको प्रादेशिक अस्पताल जनकपुरका डा. रुपेश बर्माले बताए ।
वैदेशिक रोजगारबाट फर्केपछि शंकर पछिल्लो एक वर्षदेखि ससुरालीमै बस्दै आएका थिए ।
बाह्रखरीबाट साभार
काेहलपुर टुडे । २२ श्रावण २०७९, आईतवार १८:२७