कोहलपुर ।
बाँके लगायत देशभरी नै विपी स्मृति दिवस वृक्षारोपण गरी मनाइएको छ । आइतबार नेपाली काँग्रेसको वडा नम्बर २ को वडा कार्य समितिको आयोजनामा १ सय बढि विरुवा वृक्षारोपण गरिएको थियो ।
सभापति यज्ञ महराको अध्यक्षता तथा कोहलपुर नगरपालिका प्रथम उप–प्रमुख तथा नेपाली काँग्रेसका बाके जिल्ला सचिव सञ्जु कुमारी थारु प्रमुख अतिथिमा मुक्तीनाथ प्राथमिक विद्यालयमा वृक्षारोपण गरिएको हो ।
वडा सभापति महराले विपी स्मृति दिवसमा जनप्रतिनिधिहरुले बहिष्कार गर्नु राम्रो नभएको बताए । विपी नेपाली काँग्रेसका महान व्यक्तित्व भएकोले उहाँलाई नै बहिष्कार गर्नु राम्रो कार्य नभएको भन्दै महराले टिप्पणी गरेका थिए ।
यस्तै कार्यक्रममा निर्वतमान क्षेत्रिय सभापति माधव खत्री, निर्वतमान जिल्ला उपसभापति फुलराम थारु, प्रदेश सभापति बलराम शर्मा र महाधिवेशन प्रतिनिधि भानु भट्टराईको उपस्तिथि रहेको थियो ।
काेहलपुर टुडे । ९ श्रावण २०७९, सोमबार ०८:२४